بيىل تاۋار يمپورتى تاريحي كورسەتكىشتەردەن دە اسىپ ءتۇسۋى مۇمكىن - ۇلتتىق بانك
«ۇلتتىق بانكتىڭ باعالاۋىنشا، تولەم بالانسىنىڭ اعىمداعى شوتى پروفيتسيت ايماعىنان ورتا مەرزىمدى پەرسپەكتيۆادا دەفيتسيت ايماعىنا بىرتىندەپ اۋىسادى. شيكىزات باعاسىنىڭ تۇسۋىنە جانە يمپورتقا دەگەن سۇرانىستىڭ وسۋىنە بايلانىستى اعىمداعى شوتتىڭ وڭ سالدوسى قىسقاردى»، - دەدى ۇلتتىق بانك باسشىسى.
ونىڭ بولجامىنشا، ەكونوميكالىق دامۋ بولجامىنىڭ بازالىق سسەناريى ساقتالسا، مۇناي ساۋداسىنىڭ ەسەبىنەن تاۋار ەكسپورتىنىڭ دەڭگەيى قازىرگى دەڭگەيدە ساقتالادى.
«ال تاۋار يمپورتى بولسا، ودان ءارى ءوسىپ، ءبىزدىڭ بولجام بويىنشا، ەڭ جوعارى تاريحي كورسەتكىشتەن اسىپ تۇسەدى. يمپورتتىڭ ءوسىپ كەلە جاتقان دەڭگەيى حالىق پەن بيزنەستىڭ ارتا تۇسكەن سۇرانىسىن قاناعاتتاندىرۋ ءۇشىن قازاقستانداعى ءوندىرىستىڭ جەتكىلىكسىز بولۋىنا، مەملەكەتتىك باستامالار مەن ەكونوميكانى قولداۋ باعدارلامالارىنىڭ ىسكە اسىرىلۋىنا بايلانىستى بولىپ وتىر»، - دەدى عالىمجان ءپىرماتوۆ.
اۆتور
ەسىمجان ناقتىباي