ماۋلەن اشىمبايەۆ ۇلتتىق قور قاراجاتىنىڭ كەمۋىنە الاڭداۋشىلىق ءبىلدىردى
«جالپى ءبىز بازالىق ينفراقۇرىلىمدى جانە ستراتەگيالىق شىعىنداردى ۇلتتىق قوردان قارجىلاندىرۋ كەرەكتىگىن قولدايمىز. ءبىراق سونىمەن بىرگە ۇلتتىق قور قارجىسىن 100 ميلليارد دوللارعا دەيىن جەتكىزۋ تۋرالى پرەزيدەنت تاپسىرماسىن دا ورىنداۋىمىز كەرەك. قازىر ءبىز ۇلتتىق قور قارجىسىنىڭ تومەندەۋ تەندەنتسياسىن كورىپ وتىرمىز. كەيىنگى 8 جىلدا ۇلتتىق قورىمىزدىڭ قارجىسى 73 ميلليارد دوللاردان 57 ميلليارد دوللارعا دەيىن تۇسكەن. ياعني، تومەندەۋ تەندەنسياسىنا كۋا بولىپ وتىرمىز»، - دەدى ول.
سەنات ءتوراعاسى كەيىنگى ۇلتتىق قور قاراجاتىنىڭ مولشەرى كەيىنگى ەكى جىلدا تۇراقتانا باستاعانىمەن، جالپى تومەندەۋ تەندەنتسياسى باسەڭدەمەي تۇرعانىن ايتتى.
«مىندەتىمىز - ۇلتتىق قور قاراجاتىن ۇلعايتۋ ارقىلى بالالار شوتىنا بولىنەتىن اقشانى كوبەيتۋ بولىپ تۇر. وسىعان بايلانىستى بارىمىزگە الداعى كەزەڭدە قارجىلىق ءتارتىپ كەرەك شىعار. الدا ءماجىلىستىڭ جاڭا دەپۋتاتتارى كەلەدى، جاڭا پارتيالار، جاڭا كۇن ءتارتىبى العا شىعادى. جاڭا باستامالارعا اقشا سۇرايدى. ولاردىڭ ءوز مىندەتتەرى بار ەكەنى تۇسىنىكتى. داۋىس بەرۋشىلەرگە جۇمىس ىستەپ جاتقانىن كورسەتۋى كەرەك. بۇگىندە ۇلتتىق قور قاراجاتىن پايدالانۋ ماسەلەسى، جالپى ەكونوميكانىڭ دامۋى وڭاي بولىپ تۇرعان جوق. سوندىقتان ءبارىمىز قارجىلىق تارتىپكە كەلۋىمىز كەرەك»، - دەدى ماۋلەن اشىمبايەۆ.
اۆتور
ەسىمجان ناقتىباي