قازپوشتا قىتايدان كەلەتىن تاۋارلاردى ۋاقتىلى جەتكىزۋ ءۇشىن نە ىستەپ جاتىر
كومپانيا باسشىسى اسەل جاناسوۆا اتقارىلىپ جاتقان جۇمىس، اعىمداعى كورسەتكىشتەر مەن حالىققا قىزمەت كورسەتۋدىڭ تۇراقتىلىعىن قامتاماسىز ەتۋ شارالارىن باياندادى.
سونىمەن قاتار كەڭەسكە قاتىسۋشىلار ۇلتتىق پوشتا وپەراتورىن قولداۋ جانە ودان ءارى دامىتۋ بويىنشا ۇسىنىستاردى قارادى.
بۇدان باسقا، قازاقستان - قىتاي شەكاراسىنداعى «نۇر جولى» وتكىزۋ بەكەتى ارقىلى جۇك كولىكتەرىنىڭ، ونىڭ ىشىندە «قازپوشتا» جەلىسى بويىنشا وتۋىنە كەدەرگىلەردى جويۋ جونىندەگى تاپسىرمالاردىڭ ورىندالۋ بارىسى تالقىلاندى.
پرەمەر-مينيسترگە بۇگىنگى تاڭدا راسىمدەۋدەن وتەتىن كولىك سانى تاۋلىگىنە ق ر-دان ق ح ر-عا - ەكى ەسەگە جۋىق، ق ح ر-دان ق ر-عا - %40 ارتقانى باياندالدى.
بۇل رەتتە ءاليحان سمايىلوۆ قىسقا مەرزىمدە ودان دا جوعارى ناتيجەگە قول جەتكىزۋ ءۇشىن اكىمشىلىك پروتسەستەردى جەدەلدەتۋدى تالاپ ەتتى.
