ەڭبەك ءمينيسترى زەينەتكە شىققان سوڭ نە ىستەيتىنىن ايتتى

None
استانا. قازاقپارات - ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا قازاقستاندا نەلىكتەن جۇمىس ىستەيتىن زەينەتكەرلەر كوپ ەكەنىن جانە زەينەتكە شىققاننان كەيىنگى ءوزىنىڭ جوسپارىن ايتتى.

سەنات وتىرىسى كۋلۋارىندا جۋرناليستەر مينيستردەن قازاقستاندا جۇمىس ىستەيتىن زەينەتكەرلەر سانىنىڭ ارتۋى نەگە بايلانىستى ەكەنىن سۇرادى.

«ەڭبەك كودەكسىنە سايكەس، جۇمىس بەرۋشىلەرگە ەڭبەك شارتىن جالعاستىرۋ نەمەسە سول ادامنىڭ جۇمىس تاجىريبەسىنە بايلانىستى جالعاستىرماۋ تۋرالى شەشىم قابىلداۋعا مۇمكىندىك بەردىك. كوپتەگەن جۇمىس بەرۋشى بۇل جۇمىسشىلاردى سول جالاقىمەن بۇرىنعى كۇيىندە قالدىرادى. وعان قوسا، ولار رەسپۋبليكالىق بيۋدجەت ۇسىنعان زەينەتاقى الادى. ءيا، كەيبىر جاعدايلاردا جۇمىسىن جالعاستىرعىسى كەلەتىن ادامدار بولۋى مۇمكىن، ويتكەنى بۇل ولاردىڭ وتباسىلىق بيۋدجەتى ءۇشىن قاجەت. ياعني، ءبىز جۇمىسقا كەدەرگى جاسامايمىز. بۇل - ادامنىڭ تاڭداۋى»، - دەدى تامارا دۇيسەنوۆا.

مينيستر زەينەتكە شىققاننان كەيىنگى جوسپارىن ايتتى.

«مەنىڭ تاجىريبەم قاجەت بولسا، جۇمىستى جالعاستىرار ەدىم. تاجىريبەم قاجەت بولماسا، وندا ارينە، مەن دە زەينەتكە شىعامىن. زەينەتاقى الامىن»، - دەدى ول.

ايتا كەتەيىك، قازىر تامارا دۇيسەنوۆا 58 جاستا.

سوڭعى جاڭالىقتار