دجو بايدەن: مەملەكەتتىڭ بانك جۇيەسى سەنىمدى

None
استانا. قازاقپارات– بىرىنەن كەيىن ءبىرى جابىلعان سيليكون ۆالەي مەن سيگنەيچا بانكتەرىنەن سوڭ، قارجى جۇيەسىنە قاۋىپ ءتونىپ، ا ق ش پرەزيدەنتى رەسمي مالىمدەمە جاساۋعا ءماجبۇر بولدى.

ول بۇل پروبلەمانى شەشۋ ءۇشىن سالىق تولەۋشىلەردىڭ اقشاسىنان ءبىر تيىن دا جۇمسالمايتىنىن ايتتى.

ا ق ش- تاعى ەڭ ءىرى ەكى بىردەي بانكتىڭ جابىلىپ قالۋى ەلدەگى قارجى جۇيەسىندە ءبىراز دۇربەلەڭ تۋدىردى. ءبىراق مەملەكەت باسشىسى دجو بايدەن سالىمشىلاردىڭ الاڭداۋىنا ەش نەگىز جوق دەپ سەندىردى. بۇل داعدارىستى رەتتەۋ ءۇشىن ساقتاندىرۋ قورىنان اقشا بولىنەتىن بولدى. جاعدايدى وڭلاتۋعا شۇعىل شارالار قابىلداندى. سونىڭ ىشىندە بانكتەگى دەپوزيتتەرگە كەپىلدىك بەرۋ جانە قارجى ينستيتۋتتارىنىڭ توتەنشە جاعداي قورلارىنان اقشا الۋدىڭ جاڭا مەحانيزمىن قۇرۋ تاپسىرىلدى. سونداي- اق، توتەنشە جاعدايلار كەزىندە فەدەرالدى رەزەرۆتىك جۇيەدەن نەسيە الۋ مۇمكىندىگىن جەڭىلدەتۋ دە قاراستىرىلىپ وتىر. پرەزيدەنت بايدەن بانك ينۆەستورلاردى جاۋاپقا تارتىلاتىنىن ايتىپ سەس كورسەتتى.

دجو بايدەن، ا ق ش پرەزيدەنتى:

- بۇل بانكتەر مۇنداي جاعدايعا قالاي ءتۇستى دەگەن ماڭىزدى سۇراق تۋىندايدى. ءبىز ونىڭ سەبەبىن انىقتاپ جانە كىنالىلەردى جاۋاپقا تارتۋىمىز كەرەك. ەشكىم دە زاڭنان جوعارى ەمەس. تۇپتەپ كەلگەندە مۇنداي جاعداي قايتالانباس ءۇشىن ارەكەت ەتۋىمىز قاجەت.

دەپوزيتتەردى ساقتاندىرۋ جونىندەگى مەملەكەتتىك كورپوراتسيا 250000 دوللارعا دەيىنگى دەپوزيتتەردى قورعاۋ ءۇشىن شارالار قابىلدادى. الايدا سيليكون ۆالەي بانكىندەگى شوتتاردىڭ % 85 بۇل سومادان جوعارى، ولارعا ءالى دە قاۋىپ ءتونىپ تۇر. سوندىقتان سالىمشىلاردى قولداۋ ءۇشىن بۇكىل ەل اۋماعى بويىنشا 3500-دەن استام بانك باسشىلارى مەن قۇرىلتايشىلار پەتيتسياعا قول قويدى. ولار 100000-نان استام جۇمىس ورىنىنا قاۋىپ ءتونىپ تۇرعانىن العا تارتادى. دەپوزيتى بار جۇرتتار اقشاسىن شەشىپ الۋ ءۇشىن تاڭ اتا بانكتەردە كەزەككە تۇردى.

بوب، بانك كليەنتى:

- باسىندا مەن ازداپ قوبالجىدىم. ءبىراق مەندە جارتىلاي ساقتاندىرۋ بار ەكەنىن ءبىلدىم دە كوڭىلىم ورنىنا ءتۇستى. اقشامدى قايتارىپ الاتىنىما سەنىمدىمىن.

پرەزيدەنت دجو بايدەن كەزىندە اقشا اينالىمىن باقىلاۋ باسقارماسىنا كانديداتۋراسىن ۇسىنعان بەلگىلى قارجىگەر ساۋلە وماروۆا بۇل جاعدايلارعا بايلانىستى پىكىر ءبىلدىردى. ونىڭ ايتۋىنشا بانكتەردىڭ بۇل كۇيگە ءتۇسۋى رەتتەۋشىنىڭ قاداعالاۋىن كۇشەيتۋ قاجەتتىلىگىن بىلدىرەدى.

ساۋلە وماروۆا، كورنەلل ۋنيۆەرسيتەتىنىڭ پروفەسسورى:

- 2008-2009 -جىلدارداعى قارجىلىق داعدارىستان كەيىن جاسالعان رەفورمادان سوڭ، رەتتەۋشى ورگانعا بانكتەردىڭ جاعدايىن باقىلاۋ قيىنداپ كەتتى. سوندىقتان رەتتەۋشىلەردىڭ مۇنداي شاعىن بانكتەرگە كەلىپ، ولاردىڭ قانشالىقتى قاۋىپسىز، قانشالىقتى ءتوزىمدى ەكەنىن مۇقيات تەكسەرۋگە قۇزىرەتى شەكتەلىپ قالدى.

ساۋلە وماروۆا ءالى دە نارىقتىڭ تۇراقسىز بولىپ تۇرعانىن ايتادى. قور بيرجالارىندا دا امەريكالىق بانكتەردىڭ اكسيالارى قۇلدىرادى. ماسەلەن، First Republic Bank اكسياسى % 76,6 ، ال Western Alliance اكسياسى % 82,5 تومەندەدى. قۇندى قاعازدار ساۋداسىن باعا تىم قۇبىلىپ كەتكەندىكتەن بىرنەشە رەت توقتاتۋعا ءماجبۇر بولدى.

www.24.kz


سوڭعى جاڭالىقتار