داۋلەت تۇرلىحانوۆ ۇلىنا قاتىستى داۋعا كوزقاراسىن ءبىلدىردى

None
استانا. قازاقپارات - قازاقتىڭ بەلگىلى بالۋانى داۋلەت تۇرلىحانوۆ ۇلىنا قاتىستى داۋعا كوزقاراسىن ءبىلدىردى، - دەپ حابارلايدى Massaget.kz ءتىلشىسى.

وليمپيادا جانە الەم چەمپيوناتتارىنىڭ جۇلدەگەرى بۇل تۋرالى تەلەجۇرگىزۋشى دينارا ءساتجانعا بەرگەن سۇحباتىندا ايتتى.

«ول 18 دە ەمەس، 2003-جىلى دۇنيەگە كەلدى. تۇنگى 12 لەردە قۇربىسىمەن تۇنگى كلۋبقا بارعان، سول كەزدە جانجال پايدا بولعان. بۇل جەردە ءبىر ەسكەرەتىن جايت بار. ول - تۇرلىحانوۆتىڭ ۇلى. وسىعان بايلانىستى مۇنداي دۇربەلەڭ شىقتى. ەگەر ول تاكسي نەمەسە اۆتوبۋس جۇرگىزۋشىسىنىڭ بالاسى بولسا، ونداي شۋ بولماس ەدى. ارينە، ونىڭ قوعامدىق جەردە توبەلەسىپ، كۇش كورسەتىپ، جۇدىرىق جۇمساعانىن قۇپتامايمىن. ول مەنەن سول ءۇشىن «تاياق تا جەدى». مەن وعان اقساقالدار سەكىلدى «نەگە مەنى جەرگە قاراتاسىڭ» دەيمىن. ول ماعان «ول ءوزى» دەپ جاۋاپ بەردى. ەندى بۇل ىسپەن تەرگەۋ ورگاندارى اينالىسسىن»، - دەيدى سپورتشى.

داۋلەت تۇرلىحانوۆ بۇل جاعدايدى بىلگەننەن كەيىن ۇلىنا قانداي ساباق بەرگەنىن ايتتى.

«مەن بىلگەن بويدا «تاياق جەدى». جاستار مۇنى جاسىرادى عوي. ءبىز دە كەزىندە توبەلەستىك. جىگىتتىڭ ءبارى جاس كەزىندە توبەلەسەدى عوي. ءبىراق بۇل جاعدايدان «اكەڭ سونداي ادام ەكەن دەپ» داۋ تۋعىزۋ... مەن سياقتى پاتريوت از. مەندەي پاتريوت تاۋىپ السىن. ارينە، قازاق جاستارىنىڭ مىقتى بولعانىن قالايمىن»، - دەيدى ول.

سپورتشى بالالارىنىڭ قانداي سپورت تۇرىمەن شۇعىلداناتىنىن، سونداي-اق، كەنجە ۇلىنىڭ ۋادەسىن ايتتى.

«ول دزيۋدومەن اينالىسادى، ءيا. ءبىراق بالامنىڭ ءبارى سپورتپەن شۇعىلدانبايدى. ۇلكەن ۇلىم جاتتىقتىرۋشى بولىپ جۇمىس ىستەيدى، الماتىدا جاستاردى جاتتىقتىرادى. ەكىنشىسى مەملەكەتتىك قىزمەتتە جۇمىس ىستەيدى، سپورتپەن، دزيۋدومەن دە اينالىسقان. قازىر ول تولىعىمەن مەملەكەتتىك قىزمەتكە كوشتى. كەنجەم «اكە، مەن ەندى مۇنداي جاعدايعا ۇرىنبايمىن» دەيدى. سولاي ۋادە بەردى.

ەسكە سالايىق، بۇعان دەيىن الماتىدا اسكەري قىزمەتكەر بەلگىلى زاڭگەردى سوققىعا جىققانى حابارلانعان بولاتىن.

بۇل وقيعا تۋرالى زاڭگەر ولەگ چەرنوۆتىڭ ايەلى اننا ديميتريەۆيچ Facebook پاراقشاسىندا جازعان. ولار تاكسيگە وتىرا بەرگەندە ءبىر جىگىت جۇگىرىپ كەلىپ، سوققىعا جىعىلعان قىزعا كومەكتەسۋىن سۇراعان. الماتى پ د بۇل دەرەك ق ر قىلمىستىق كودەكستىڭ 293-بابى «بۇزاقىلىق» بويىنشا سوتالدى تەرگەۋدىڭ ءبىرىڭعاي تىزىلىمىنە تىركەلگەنىن حابارلايدى. قىلمىستىق ءىس بويىنشا العاشقى تەرگەۋ ارەكەتتەرى جۇرگىزىلىپ، ساراپتامالار تاعايىندالعان.

كۇدىكتى اسكەري ادام بولعاندىقتان، قازىر ءىس ماتەريالدارى سوتتىلىعىن انىقتاۋ ءۇشىن قالالىق پروكۋراتۋراعا جىبەرىلگەنى ايتىلدى.

سوڭعى جاڭالىقتار