زەينەتكە شىققان قىزمەتكەرلەر نەگە جۇمىس ىستەپ ءجۇر

None
استانا. قازاقپارات - ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا زەينەتكە شىققان قىزمەتكەرلەردىڭ نەلىكتەن جۇمىس ىستەپ جۇرگەنىن ءتۇسىندىردى، دەپ حابارلايدى قازاقپارات ءتىلشىسى.

«ەڭبەك كودەكسىنە سايكەس، جۇمىس بەرۋشىلەرگە سول ادامنىڭ جۇمىس تاجىريبەسىنە قاراي ەڭبەك كەلىسىمشارتىن جالعاستىرۋدى نە توقتاتۋدى ايقىنداۋ مۇمكىندىگىن بەردىك. كوپتەگەن جۇمىس بەرۋشى زەينەتكە شىققان ادامداردى بۇرىنعى لاۋازىمىندا الىپ جۇرگەن جالاقىسىمەن قالدىرادى»، - دەدى سەناتتىڭ جالپى وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرگەن مينيستر.

ونىڭ اتاپ وتۋىنشە، ەڭبەك مينيسترلىگى مۇنداي مۇمكىنشىلىككە توسقاۋىل قويمايدى.

«مۇنىڭ ۇستىنە ولار رەسپۋبليكالىق بيۋدجەتتەن بەرىلەتىن زەينەتاقى تولەمىن الادى. ءيا، جەكەلەگەن جاعدايدا وتباسىلىق بيۋجەتتەرى قاجەتتىلىگى ءۇشىن جۇمىسىن جالعاستىرىپ جۇرگەن ادامدار دا بار. ياعني، ءبىز ولاردىڭ جۇمىس ىستەۋىنە كەدەرگى بولمايمىز. بۇل ادامنىڭ ءوز تاڭداۋى»، - دەدى تامارا دۇيسەنوۆا.

ۆەدومستۆو باسشىسى، سونداي-اق تىلشىلەردىڭ «زەينەت جاسىنا جەتكەننەن كەيىن جۇمىس ىستەۋدى جالعاستىراسىز با؟» دەگەن ساۋالىنا جاۋاپ بەردى.

«ەگەر مەنىڭ تاجىريبەم قاجەت بولسا، وندا جۇمىس ىستەي بەرەمىن. ال ەگەر تاجىريبەم قاجەت بولسا، وندا مەندە زەينەتتە بولامىن. زەينەتاقى تولەمىن الىپ وتىرامىن»، - دەدى ول.

سوڭعى جاڭالىقتار