16:58, 15 - ناۋرىز 2023 | GMT +6
استانادا مەشىت قىزمەتكەرىن پىشاقتاپ كەتتى
استانا. قازاقپارات - استاناداعى مەشىتتەردىڭ بىرىندە شارۋاشىلىق قىزمەتكەرىن پىشاقتاپ كەتتى.
بۇل تۋرالى قازاقستان مۇسىلماندارى ءدىني باسقارماسىنىڭ باسپا ءسوز حاتشىسى اعابەك قونارباي ۇلى ءمالىم ەتتى، دەپ حابارلايدى قازاقپارات.
«اۋىر جاراقات العان مەشىت قىزمەتكەرى دارىگەرلەردىڭ باقىلاۋىندا. جاعدايى اۋىر.
مەشىتتىڭ شارۋاشىلىق جۇمىستارىن جۇرگىزەتىن قىزمەتكەردى سۋىق قارۋمەن جاراقاتتاعان كۇدىكتى ۇستالدى. بۇرىن سوتتالعان. قازىر تەرگەۋ جۇمىستارى جۇرگىزىلىپ جاتىر. بولعان وقيعا سەبەپتەرى انىقتالۋدا.
الدىن الا مالىمەت بويىنشا قىلمىستىق وقيعاعا وتباسىلىق قاقتىعىستار، دالىرەك ايتقاندا كۇدىكتى ازامات پەن ونىڭ ايەلى اراسىنداعى داۋ-جانجال سەبەپ بولعان»، - دەپ جازدى ا. قونارباي ۇلى Facebook-تەگى پاراقشاسىندا.
ق م د ب وكىلى بۇقارالىق اقپارات قۇرالدارىنا قوسىمشا رەسمي مالىمەت بەرىلەتىنىن اتاپ ءوتتى.