ورتالىق ازيانى كليماتتىق وزگەرىستەرگە بەيىمدەۋ ستراتەگياسى ازىرلەنىپ جاتىر
بۇل تۋرالى پرەمەر-ءمينيستردىڭ ءبىرىنشى ورىنباسارى رومان سكلياردىڭ ءماجىلىس دەپۋتاتتارىنىڭ ساۋالىنا بەرگەن جاۋابىندا ءمالىم ەتتى، حابارلايدى قازاقپارات ءتىلشىسى.
«جاسىل ورتالىق ازيا» باستاماسىنىڭ اياسىندا ورتالىق ازيا ەلدەرىنىڭ وكىلدەرىنەن قۇرالعان جۇمىس توبى «ورتالىق ازيا كليماتىنىڭ وزگەرۋىنە بەيىمدەلۋدىڭ وڭىرلىك ستراتەگياسىن» ازىرلەپ جاتىر. وڭىرلىك ستراتەگيانى ازىرلەۋگە قازاقستان تارابىنىڭ تارتىلۋى ەكولوگيالىق جانە كليماتتىق سىن-قاتەرلەر جونىندە وڭىرلىك ساياسي ديالوگ قالىپتاستىرۋعا مۇمكىندىك اشادى»، - دەلىنگەن جاۋاپتا.
قۇجات جوباسى وڭىردەگى ەلدەردىڭ ءبارى ماقۇلداپ شىعۋى كەرەك. سودان كەيىن عانا ىسكە اسىرۋ باستالادى.
«سونداي-اق، بۇل ارال جاعالاۋىن تۇتاستاي، ونىڭ ىشىندە قازاقستانعا تيەسىلى بولىگىن دامىتىپ، ەكوجۇيەسىن ساقتاۋعا قولايلى جاعدايى تۋعىزادى. قازىرگى تاڭدا وڭىرلىك ستراتەگيا جوباسىن مەملەكەتتىك ورگاندار دەڭگەيىندە ماقۇلداۋ جۇمىستارى ءجۇرىپ جاتىر. ورتالىق ازيا ەلدەرى تۇگەل ماقۇلداعاننان كەيىن ونى ىسكە اسىرۋ جوسپارلانعان»، - دەپ جازادى ۇكىمەت باسشىسىنىڭ ءبىرىنشى ورىنباسارى.