الماتىدا فۋتبول جانكۇيەرلەرى توبەلەس شىعاردى

الماتى. قازاقپارات - «قايرات» جانە «كاسپي» فۋتبول كلۋبتارىنىڭ جانكۇيەرلەرى ماتچتان كەيىن الماتىدا جاپپاي توبەلەس شىعاردى، دەپ حابارلايدى قازاقپارات ءتىلشىسى.

الەۋمەتتىك جەلىدە ارنايى جاساق جاۋىنگەرلەرىنىڭ بىرنەشە جانكۇيەردى ۇستاپ الىپ بارا جاتقان ۆيدەو تارادى.

الماتى قالالىق پوليتسيا دەپارتامەنتىنىڭ مالىمەتىنشە، ورتالىق ستاديوندا فۋتبول ويىنى كەزىندە ءتارتىپتى قامتاماسىز ەتۋ ماقساتىندا قىزمەت اتقارعان پوليتسەيلەر، ادام كوپ جينالاتىن ورىنداردا پايدالانۋعا تىيىم سالىنعان فايەرلەردى جاعۋ دەرەكتەرىنىڭ جولىن كەسكەن.

«قوعامدىق ءتارتىپتى ودان ءارى بۇزۋدىڭ الدىن الۋ ماقساتىندا جانكۇيەرلەرمەن قۇقىقتىق تۇسىندىرمە اڭگىمە جۇرگىزىلدى»، - دەپ حابارلادى ۆەدومستۆودان.

ايتا كەتۋ كەرەك، الماتىلىق «قايرات» فۋتبول كلۋبى قازاقستاننىڭ پرەمەر- ليگاسىنىڭ 3- كەزەڭىندە «كاسپي» كومانداسىن 3:1 ەسەبىمەن جەڭدى.