ماماندار كوپقاباتتى ءۇيدىڭ جەر سىلكىنىسىنە قانشالىقتى توتەپ بەرەتىنىن تەكسەرىپ جاتىر

شىمكەنت. قازاقپارات - شىمكەنتتە ۆيبروديناميكالىق سىناق جۇرگىزىلىپ جاتىر، دەپ حابارلايدى قازاقپارات يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.

قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنىڭ ماماندارى BKN GROUP قۇرىلىس كومپانياسىنىڭ تاپسىرىسىنا سايكەس شىمكەنت قالاسىنىڭ قاراتاۋ اۋدانىنداعى 9 قاباتتى تۇرعىن ءۇيدىڭ 3 قاباتتى فراگمەنتىنە تەربەلىستى- ديناميكالىق، سونداي-اق ستاتيكالىق سىناق جۇرگىزۋدى قولعا الدى.

بۇل رەتتە سىناقتان وتكىزىلىپ جاتقان عيماراتتىڭ قۇرىلىمدىق سحەماسى كولدەنەڭ ەدەن ديسكىلەرىمەن بىرىكتىرىلگەن بايلانىستىرۋشى قاڭقا تۇرىندە قابىلدانعانىن ايتا كەتەيىك.

سىناق B3 ۇلگىدەگى ۆيبروديناميكالىق قوندىرعى ارقىلى بىرنەشە كەزەڭ بويى جۇرگىزىلەدى.

ونىڭ ناتيجەسىندە الىنعان مالىمەتتەر وڭدەلىپ، ءتيىستى تالداۋ جاسالىپ جاتىر. اتالعان سىناقتىڭ قورىتىندى كورسەتكىشتەرى تاپسىرىس بەرۋشىگە جىبەرىلەدى.