13:05, 15 - ناۋرىز 2023 | GMT +6
مەملەكەت باسشىسى قاۋىپسىزدىك كەڭەسىنىڭ وتىرىسىن وتكىزدى
استانا. قازاقپارات - بۇگىن قاسىم-جومارت توقايەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ كەزەكتى وتىرىسى ءوتتى، دەپ حابارلايدى قازاقپارات اقورداعا سىلتەمە جاساپ.
جيىندا 2021-2025 -جىلدارعا ارنالعان ۇلتتىق قاۋىپسىزدىك ستراتەگياسىن جۇزەگە اسىرۋ اياسىندا قابىلدانعان ۇلتتىق قاۋىپسىزدىككە تونەتىن قاتەرلەردىڭ الدىن الۋ جونىندەگى ءىس-قيمىل جوسپارىنىڭ ورىندالۋ ماسەلەلەرى قاراستىرىلدى.
وتىرىس بارىسىندا پرەمەر-ءمينيستردىڭ ءبىرىنشى ورىنباسارى رومان سكليار بايانداما جاسادى، سونداي-اق ءبىرقاتار مۇددەلى مەملەكەتتىك ورگان باسشىلارى مالىمەت بەردى.
مەملەكەت باسشىسى قازىرگى جاعدايدا سىن-قاتەرلەر مەن ۇلتتىق قاۋىپسىزدىككە تونەتىن قاۋىپكە وبەكتيۆتى باعا بەرىپ، ءتيىستى شارالاردى ازىرلەۋ قاجەت ەكەنىن اتاپ ءوتتى.
جيىن سوڭىندا ۇلتتىق قاۋىپسىزدىككە تونەتىن قاتەرلەردىڭ الدىن الۋ جانە ۇلتتىق مۇددەنى قورعاۋ جۇيەلەرىنىڭ تيىمدىلىگىن ارتتىرۋعا باعىتتالعان شەشىمدەر قابىلداندى.
