اقمولا وبلىسىنا قاراستى ەكى اۋىلدىق وكرۋگكە قازاقشا اتاۋ بەرىلەدى

None
استانا. قازاقپارات - اقمولا وبلىسى بۇلاندى اۋدانىنا قاراستى ەكى اۋىلدىق وكرۋگكە قازاقشا اتاۋ بەرىلۋى مۇمكىن.

بۇل تۋرالى «اشىق» ن ق ا پورتالىندا جاريالانعان اتالعان ءوڭىر اكىمدىگى مەن ماسليحاتىنىڭ شەشىم قۇجاتىندا جازىلعان، دەپ حابارلايدى قازاقپارات ءتىلشىسى.

ءتيىستى شەشىممەن ەندى اقمولا وبلىسى بۇلاندى اۋدانىنىڭ ەرگولكا اۋىلدىق وكرۋگى - توقتامىس، ال كارامىشەۆكا اۋىلدىق وكرۋگى شۇباراعاش بولىپ وزگەرتىلەدى.

«بۇل شەشىم يدەولوگيالىق تۇرعىدان ەسكىرگەن اتاۋلارى بار ەلدى مەكەندەر مەن ولاردىڭ قۇرامداس بولىكتەرىن قايتا اتاۋ جونىندەگى 2022-2025 -جىلدارعا ارنالعان جول كارتاسىن ورىنداۋ ماقساتىندا ۇسىنىلدى»، - دەپ تۇسىندىرمە بەرىلگەن شەشىمگە.

قۇجات 29-ناۋرىزعا دەيىن اشىق تالقىلاۋدا بولادى.

ەسكە سالا كەتسەك، بۇعان دەيىن اقمولا وبلىسىنىڭ بىرلىك اۋىلدىق وكرۋگىنە قاراستى ءۇش، بۇلاندى اۋدانىنا ەنەتىن ءبىر ەلدى مەكەننىڭ اتاۋى وزگەرەتىنىن حابارلاپ ەدىك. جالپى، بىلتىر بۇل وڭىردە 11 اۋىل مەن 90 كوشەگە قازاقشا اتاۋ بەرىلدى.



اۆتور

ءاليحان اسقار


سوڭعى جاڭالىقتار