تۇركيادا بۇگىن ەكىنشى رەت جەر سىلكىندى
جەر سىلكىنىسىنىڭ وشاعى قاحرامانماراش ايماعىنان سولتۇستىك-شىعىسقا قاراي 100 شاقىرىم جەردە بولعان. تەرەڭدىگى 5 ك م. جەر سىلكىنىسىنەن زارداپ شەككەندەر تۋرالى اقپارات تۇسكەن جوق.
ايتا كەتسەك، بۇل تۇركيانىڭ قاحرامانماراش پروۆينتسياسىندا بۇگىن بولعان ەكىنشى جەر سىلكىنىسى. بۇعان دەيىن اتالعان پروۆينتسيادا قۋاتى 4,7 ماگنيتۋداسىمەن جەر سىلكىنىسى تىركەلگەن ەدى.
ەسكە سالايىق، 6- اقپاندا تۇركيانىڭ كاحرامانماراش پروۆينتسياسىندا قۋاتى 7 بالدان اساتىن ەكى جەر سىلكىنىسى بولدى. تەربەلىس ەلدىڭ 10 پروۆينتسياسىندا، سونداي-اق كورشىلەس مەملەكەتتەردە، سونىڭ ىشىندە سيريادا سەزىلدى.
ماماندار ايماقتا جەراستى دۇمپۋلەرى ءالى دە جارتى جىل بويى جالعاسادى دەگەن بولجام جاسادى. تۇركيادا جويقىن ءزىلزالا بولاتىنىن بولجاعان نيدەرلاند زەرتتەۋشىسى فرانك حۋگەربيتس ناۋرىز ايىنىڭ باسىندا جاڭا اپاتتار كۇتىلەتىنىن ەسكەرتتى.