22:38, 14 - ناۋرىز 2023 | GMT +6
قازاقستان ساۋد ارابياسى مەن يران اراسىنداعى ديپلوماتيالىق ۋاعدالاستىقتاردى قۇپتايدى –س ءى م
استانا. قازاقپارات - قازاقستان 10 ناۋرىزدا بەيجىڭ قالاسىنداعى ساۋد ارابياسى كورولدىگى مەن يران يسلام رەسپۋبليكاسى اراسىنداعى ديپلوماتيالىق قاتىناستاردى قالپىنا كەلتىرۋ تۋرالى ۋاعدالاستىقتاردى قۇپتايدى. بۇل تۋرالى قازاقپارات ءسىم سىلتەمە جاساپ حابارلايدى.
«ءبىز قىتاي حالىق رەسپۋبليكاسىنىڭ كەلىسسوزدەر ۇدەرىسىندەگى جانە تابىستى ناتيجەلەرگە قول جەتكىزۋدەگى ءرولىن جوعارى باعالايمىز. بۇل ۋاعدالاستىقتار 2016-جىلى ساۋىردە ىستانبۇلدا وتكەن يسلام ىنتىماقتاستىعى ۇيىمىنىڭ XIII سامميتىندە ۇسىنىلعان قازاقستاننىڭ يسلامدىق تاتۋلاسۋ جونىندەگى باستاماسىنا تولىعىمەن سايكەس كەلەدى. ساۋد ارابياسى مەن يران اراسىنداعى ديپلوماتيالىق قاتىناستاردى قالپىنا كەلتىرۋ جانە ءوزارا ەلشىلىكتەرىن اشۋلارى وڭىرلىك جانە جاھاندىق قاۋىپسىزدىك پەن تۇراقتىلىقتى نىعايتۋعا ىقپال ەتەتىنىنە سەنىمدىمىز»، - دەلىنگەن مينيسترلىكتىڭ مالىمدەمەسىندە.
بۇعان دەيىن حابارلاعانىمىزداي، يران مەن ساۋد ارابياسى قارىم-قاتىناسىن قالپىنا كەلتىرەتىن بولىپ كەلىستى.