رامازان ايىندا ءبىرقاتار قايىرىمدىلىق شارا ۇيىمداستىرىلادى - باس ءمۇفتي
بۇل تۋرالى قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي ناۋرىزباي قاجى تاعان ۇلى ايتتى، دەپ حابارلايدى قازاقپارات ءتىلشىسى.
«رامازان - ىزگى امالداردىڭ ساۋابى ەسەلەنىپ جازىلاتىن اي. يسلام عالىمدارىنىڭ ايتۋىنشا، ىزگى امالدىڭ ساۋابىنىڭ ەرەكشە ەسەلەنۋىنىڭ سەبەپتەرى بار. ءبىرىنشىسى، ىزگىلىك جاسالعان جەرگە قاتىستى. ياعني، ورىننىڭ قۇرمەتتىلىگىنە قاراي وندا ورىندالعان ءىس- امالدىڭ ساۋابى دا ەسەلەنەدى. مىسالى، ۇيدە وقىلعان نامازدان مەشىتتەردە وقىلعان نامازدىڭ ساۋابى ايرىقشا كوپ. ىزگى امالدىڭ ساۋابىنىڭ ەسەلەنۋىنىڭ تاعى ءبىر سىرى ونىڭ ورىندالعان ۋاقىتىنا بايلانىستى»، - دەدى باس ءمۇفتي باق وكىلدەرىنە ارنالعان باسپا ءسوز ءماسليحاتىندا.
مىسالى، ونىڭ اتاپ وتۋىنشە، زۋل- حيدجا ايىنىڭ العاشقى ونكۇندىگىندە جانە رامازان ايىندا جاسالعان قايىرلى ىستەردىڭ مارتەبەسى بيىك بولادى.
«سوندىقتان وسى ايدا مۇمكىندىگىنشە مۇقتاج جاندارعا كومەكتەسىپ، ولاردىڭ العىسى مەن باتاسىن الۋعا اسىققان ابزال. «زەكەت جانە قايىرىمدىلىق» قورى قاسيەتتى رامازان ايىندا بىرنەشە قايىرىمدىلىق جوبالاردى جۇزەگە اسىرادى. اتاپ ايتقاندا، «شاراپاتتى رامازان»، «رامازان قورجىنى»، «رامازاننان تابەرىك» سىندى اۋقىمدى رەسپۋبليكالىق قايىرىمدىلىق ءىس- شارالاردى ۇيىمداستىرادى. بارشا حالىقتى ساۋاپتى ىستەرىمىزگە ۇلەس قوسىپ، جاقسىلىقتىڭ باسى- قاسىنان تابىلىپ، بەلسەندى تۇردە اتسالىسۋعا شاقىرامىن»، - دەدى ناۋرىزباي قاجى تاعان ۇلى.