توتەنشە جاعدايلار مينيسترلىگى ءۇش وڭىردە جەر سىلكىنەدى دەگەن اقپاراتقا پىكىر ءبىلدىردى

استانا. قازاقپارات - توتەنشە جاعدايلار مينيسترلىگىنىڭ رەسمي وكىلى رۋسلان يمانقۇلوۆ قازاقستاندىقتاردى جەر سىلكىنىسى قاۋپىنە بايلانىستى ۇرەيلەنبەۋگە شاقىردى، دەپ حابارلايدى قازاقپارات ءتىلشىسى.

ونىڭ ايتۋىنشا، ۆەدومستۆونىڭ اۋماقتىق بولىمشەلەر مەن تەحنيكا توتەنشە جاعدايعا ءارقاشان دايىن.

«ۆەدومستۆوارالىق ءوزارا ءىس- قيمىل جانە اۋماقتىق بولىمشەلەر مەن قۇرىلىمدىق بولىمشەلەردى تەكسەرۋدىڭ ءتيىستى جوسپارى بار. پىسىقتاۋ كەزىندە توتەنشە جاعدايعا دايىندىق بارىسى تەكسەرىلەدى»، - دەدى رۋسلان يمانقۇلوۆ.

سونىمەن قاتار مينيسترلىك وكىلى جەر سىلكىنىسى قاۋپى تۋرالى بولجامنىڭ راس ەكەنىن، ءبىراق دۇربەلەڭگە جول بەرمەۋ كەرەكتىگىن ايتتى.

«حالىققا ءتيىستى حاباردى جەتكىزىپ وتىرامىز»، - دەيدى ۆەدومستۆو وكىلى.

ودان بولەك، رۋسلان يمانقۇلوۆ جەر سىلكىنىسى قاۋپىنە بايلانىستى الماتى، الماتى جانە جەتىسۋ وبلىستارىنىڭ اكىمدەرىنە ەشقانداي حات- حاباردىڭ جەتپەگەنىن ايتتى.

ايتۋىنشا، ونىڭ قاجەتى دە جوق.