نيۋ- يوركتە تەراكت جاساعان سايفۋللو سايپوۆ ءومىر بويىنا سوتتالدى
بۇل تۋرالى قازاقپارات BBC- گە سىلتەمە جاساپ حابارلايدى.
سوتتالۋشى 2010 -جىلى ا ق ش- قا كوشىپ كەلگەن. 2017 -جىلدىڭ 31-قازانىندا ول شاعىن جۇك كولىگىن جالعا الىپ، ونىمەن ۆەلوسيپەد جولىنا شىعىپ ادامداردى قاققان ەدى.
قايتىس بولعان سەگىز ادامنىڭ اراسىندا ارگەنتينادان كەلگەن بەس ادام بار، تاعى 12 ادام جاراقات الدى. پوليتسەيلەر سايپوۆتى ىشىنە وق اتىپ ۇستادى.
سايپوۆ «يسلام مەملەكەتى» جيھادتىق توبىنىڭ اتىنان ارەكەت ەتكەنىن مالىمدەدى.
ول قاڭتاردا بىرنەشە كىسى ءولتىرۋ جانە تەرروريزم ايىبى بويىنشا سوتتالعان.
ونىڭ سوتى دجو بايدەننىڭ پرەزيدەنتتىگى كەزىندەگى ءبىرىنشى فەدەرالدى سوت پروتسەسى بولدى، وندا پروكۋرورلار سوتتالۋشىنى ءولىم جازاسىنا كەسۋدى تالاپ ەتتى.
القابيلەر سايپوۆتى كىنالى دەپ تاپتى، ءبىراق ونى ءولىم جازاسىنا كەسۋ ءۇشىن نيۋ- يورك زاڭى بۇكىل 12 القابيدىڭ ءبىراۋىزدان شەشىم شىعارۋىن تالاپ ەتەدى، ءبىراق ونداي شەشىم شىقپادى.
سايفۋللو سايپوۆ قالعان ءومىرىن كولورادو شتاتىنداعى ADX Florence فەدەرالدى تۇرمەسىندە وتكىزەدى.
بۇل تۇرمەدە 2013 -جىلعى ساۋىردە بوستون مارافونىنىڭ مارە سىزىعىندا جارىلىس ۇيىمداستىرعانى ءۇشىن ءولىم جازاسىنا كەسىلگەن دجوحار سارنايەۆ وتىر.