تەگىن ساياحاتتاۋ مۇمكىندىگىن پايدالانعان بالالار كوبىندە اقتاۋ، الماتى جانە تۇركىستاندى تاڭدايدى
وتكەن جىلى كىشكەنتاي تۋريستەر مەن ولاردىڭ اتا- انالارى اراسىندا سۇرانىسقا يە ءۇش باعىت: اقتاۋ، الماتى جانە تۇركىستان قالالارى بولدى.
بۇل رەتتە بارلىق ىسكە اسىرىلعان تۋرلاردىڭ %50 استامى ماڭعىستاۋ وبلىسىنا تيەسىلى ەكەنىن ايتا كەتكەن ءجون.
جالپى اتالعان باعدارلاما بويىنشا بىلتىر 76 ميلليون تەڭگەگە ۇشاق بيلەتتەرى سۋبسيديالاندى.
«اقتاۋ - قازاقستاننىڭ ەڭ تانىمال تۋريستىك باعىتتارىنىڭ ءبىرى جانە تانىمال وتباسىلىق دەمالىس ورنى. وتكەن جىلى Kids go Free باعدارلاماسىن 700 گە جۋىق وتباسى پايدالاندى، بۇل 1500 بالاعا قازاقستاننىڭ باسقا وڭىرلەرىن تەگىن كورۋگە مۇمكىندىك بەردى. بيىل كەم دەگەندە 2000 بالا مەن 1000 وتباسىن قامتۋ مىندەتى تۇر. ول ءۇشىن تۋروپەراتورلارعا قويىلاتىن تالاپتار جەڭىلدەتىلدى»، - دەيدى مادەنيەت جانە سپورت مينيسترلىگىنىڭ رەسمي وكىلى ءمولدىر ابدۋاليەۆا.