قازاقستان حالقى قارتايىپ بارادى
ەلىمىزدە دە بۇكىل الەمدەگىدەي حالىقتىڭ قارتايۋى بايقالادى.
ماسەلەن، 2022 -جىلدىڭ باسىندا 65 جانە ودان جوعارى جاستاعى ايەلدەردىڭ ۇلەسى 10,1 پايىزعا جەتتى. ال 10 جىلدا ول نەبارى 8,2 پايىزدى قۇرادى.
سونىمەن قاتار، ونجىلدىقتا 65 جاستان اسقان ەرلەردىڭ ۇلەسى 4,8 دەن 6,1 پايىزعا دەيىن ءوستى.
ب ۇ ۇ بولجامىنشا قازاقستاندا دا قارتتىقتىڭ دەموگرافيالىق اۋىرتپالىق كوەففيسيەنتى ۇلعايادى. ماسەلەن، 2022 -جىلى بۇل كوەففيتسيەنتتىڭ ءمانى 12,9 پايىزدى قۇراعان. 2025 -جىلعا قاراي اراقاتىناس - 14,1، 2030 -جىلعا قاراي - 15,9، 2040 -جىلعا قاراي - 17,1، 2050 -جىلعا قاراي 19 پايىزعا جەتەدى.
وسى ءۇردىستى ەسكەرسەك، ەلىمىزدەگى جيناقتاۋشى زەينەتاقى جۇيەسى ەڭ ۇتىمدى نۇسقا ەكەنى بايقالادى.
ويتكەنى ول مەملەكەتتىك بيۋدجەتكە تۇسەتىن اۋىرتپالىقتى ازايتىپ، كەلەشەكتە جيىنتىق زەينەتاقىنىڭ مولشەرىن ۇلعايتا الادى.
جالپى، حالىقتىڭ قارتايۋى - XXI عاسىرداعى باسىم ۇردىستەردىڭ ءبىرى. مۇنىڭ قوعام ءۇشىن ماڭىزدى جانە اۋقىمدى سالدارى بار.
حالىقتىڭ جالپى سانىنداعى ەگدە جاستاعى ادامداردىڭ ۇلەسىنىڭ ارتۋى بارلىق ەلدەردە دەرلىك بايقالادى. ب ۇ ۇ بولجامى بويىنشا الداعى ونجىلدىقتاردا 65 جانە ودان جوعارى جاستاعى ادامدار سانى دۇنيە جۇزىندە ەكى ەسەدەن اسادى.
ياعني، 2021 -جىلعى 761 ميلليوننان 2050 -جىلى 1,6 ميلليارد ادامعا دەيىن جەتەدى. 80 جاستان اسقاندار سانى بۇدان دا جىلدام وسەدى.