قۇراستىرىلعان كولىكتەردى زاڭداستىرامىز، ءبىراق يەلەرى ونى ساتا المايدى - ىشكى ىستەر ءمينيسترى

استانا. قازاقپارات - ىشكى ىستەر ءمينيسترى مارات احمەتجانوۆ ۇكىمەت وتىرىسىنان كەيىن ب ا ق وكىلدەرىنە «كونسترۋكتور» كولىكتەر قالاي زاڭداستىرىلاتىنىن ايتتى، دەپ حابارلايدى قازاقپارات ءتىلشىسى.

«2014 -جىلى جول ەرەجەسى تۋرالى زاڭعا وزگەرىستەر ەنگىزىلدى. سول جەردە قازاقستاندا ونداي اۆتوكولىكتەردىڭ جۇرۋىنە تىيىم سالىنعان. 2015 -جىلى ەۋرازيا ەكونوميكالىق وداعى اياسىندا دا وسىنداي اۆتوكولىكتەر قوزعالىسىنا تىيىم سالىندى. ءبىراق پرەزيدەنتتىڭ تاپسىرماسى بولعاسىن ونى زاڭداستىرىپ بەرەمىز. ءبىراق ونى ەرتەڭ باسقا بىرەۋگە ساتۋعا تىيىم سالامىز»، - دەدى ول.

ءمينيستردىڭ سوزىنشە، قازىر مۇنداي ساناتقا جاتاتىن 1,5 مىڭ كولىك بار.

«ايتىپ وتىرمىز عوي، ولاردىڭ ءبارىنىڭ جول قاۋىپسىزدىگىنە تەحنيكالىق سەرتيفيكاتىن قارايمىز. ەگەر ءقاۋىپسىز بولسا، زاڭداستىرىپ بەرەمىز»، - دەدى مارات احمەتجانوۆ.

اۆتور

ەسىمجان ناقتىباي