ايىپپۇل نە اباقتى. سەلفي تۇسىرۋگە تىيىم سالىنعان كەرەمەت جەرلەر
دەرەككوز مالىمەتىنشە، بۇل ەرەجەنى بۇزعاندار تەك قوماقتى ايىپپۇل تولەپ قانا قويماي، قامالۋى دا مۇمكىن ەكەنىن ايتادى.
قۇندى زاتتار ءۇي، لوندوندىق تاۋەر
تەمزا وزەنىنىڭ سول جاعالاۋىندا 700 جىلدىق تاريحى بار لوندوندىق تاۋەر ورنالاسقان - عيمارات سالىنعان جىلداردان باستاپ ەۋروپا تاريحىندا ەرەكشە ورىن الادى. مۇندا كورولدىك وتباسىنىڭ قۇندى زاتتارى ساقتالعان، سول سەبەپتى كۇزەتتىڭ دە دەڭگەيى وتە جوعارى. قاۋىپسىزدىك تاۋەكەلىنە بايلانىستى مۇندا سۋرەتكە تۇسۋگە بولمايدى. بۇل ەرەجەنى كۇزەتشىلەر مەن بەينەباقىلاۋ كامەرالارى قاتاڭ باقىلاۋدا ۇستايدى.
نيۋ-يورك زووباقتارى
2014 -جىلى جولبارىسپەن كوپتەگەن سەفيلەردىڭ سالدارىنان مىسىق تۇقىمداس جانۋارلارمەن حايۋاناتتار باعىندا، كارناۆالداردا جانە نيۋ-يورك سيركتەرىندە سۋرەتكە ءتۇسۋ تىيىم سالىنعان. مۇنداي زاڭ ءوز دەگەنىنەن قايتپايتىن تۋريستەردەن جىرتقىشتاردى قورعاۋ ءۇشىن ەنگىزىلگەن. ەرەجەنى بۇزعان ادامعا مىڭ دوللارعا دەيىن ايىپپۇل سالىنۋى مۇمكىن.
پامپلونا، يسپانيا
جىل سايىن «بۇقالار جارىسىنان» ادرەنالين الۋعا كەلەتىن تۋريستەردىڭ جينالاتىن ورنى. الايدا بۇقامەن سەلفي ءتۇسىرىپ جاتقانىڭىزدى زاڭ وكىلدەرى كورسە، 3 مىڭ ەۋرو ايىپپۇل سالىنادى. وسىلايشا بيلىك وكىلدەرى دەمالۋشىلاردى قاۋىپسىزدىك قامتاماسىز ەتەدى ەكەن.
سيكستين كاپەللاسى، ۆاتيكان
1980 -جىلى تاريحي نىساندا رەكونسترۋكسيا جۇرگىزىلگەننەن كەيىن، قاسيەتتى جەردىڭ اۋماعىندا (ىشكى بولىگىندە) تەك ارنايى رۇقساتپەن عانا سۋرەتكە تۇسۋگە بولادى.
ساۋد ارابياسى
مەككەدە قۇلشىلىق كەزىندە سۋرەتكە ءتۇسۋ قاتاڭ تىيىم سالىنعان. ساۋد ارابياسىنىڭ بيلىگى قۇلشىلىق كەزىندە سۋرەتكە ءتۇسۋ قاسيەتتى جەرگە ۇزاق جول ءجۇرىپ كەلگەن ءدىندار ادامدارعا دەگەن قۇرمەتسىزدىك دەپ سانايدى.
تاحو كولى، كاليفورنيا
جەرگىلىكتى بيلىك ءوز دەگەنىنەن قايتپايتىن تۋريستەردەن جانۋارلاردى قورعاۋ ءۇشىن كول ماڭىندا مەكەندەيتىن تىرشىلىك يەلەرىمەن سۋرەتكە تۇسۋگە تىيىم سالدى. ولار ادامداردىڭ ايۋمەن سۋرەتكە ءتۇسۋ ءۇشىن تىم قاتتى جاقىنداۋى مۇمكىن ەكەنىنەن قاۋىپتەنەدى.
ۆان گوگ مۋزەيى، امستەردام
امستەردامداعى ەڭ تانىمال مۋزەيگە كىرگىڭىز كەلسە، وندا گادجەتپەن ۋاقىتشا قوشتاسۋعا دايىن بولىڭىز. كەلۋشىلەر ونەر تۋىندىلارىن تولىققاندى ءلاززات الۋ ءۇشىن جانە باسقالارعا كەدەرگى كەلتىرمەس ءۇشىن مۋزەي ىشىندە كەز كەلگەن كامەرانى قولدانۋعا تىيىم سالىنعان.