ەلوردالىق جۇمىسپەن قامتۋ ورتالىعىنىڭ باسشىسى پارا العانى ءۇشىن سوتتالدى

استانا. قازاقپارات - استانا قالاسى الماتى اۋداندىق سوتى قالالىق جۇمىسپەن قامتۋ ورتالىعى باسشىسىنا پارا العانى ءۇشىن ايىپتاۋ ۇكىمىن شىعاردى، دەپ حابارلايدى قازاقپارات سوتتىڭ سايتىنا سىلتەمە جاساپ.

سونىمەن قاتار، ج ش س ديرەكتورى پارا بەرگەنى ءۇشىن سوتتالدى.

تەرگەۋ بارىسىندا استانا قالاسىنىڭ جۇمىسپەن قامتۋ ورتالىعىنىڭ باسشىسى ب-عا جۇمىسسىزداردى وقىتۋعا كەلىسىمشارت جاساسقانى، سونداي-اق ولار بويىنشا تولەم جاساعانى ءۇشىن ج ش س ديرەكتورى گ-دان 310 مىڭ تەڭگە پارا العان دەگەن ايىپ تاعىلدى.

سوتتالۋشىلاردىڭ كىناسى سوتقا ۇسىنىلعان دالەلدەمەلەر، ولاردىڭ مويىنداۋ، ب-نىڭ تۇرعىلىقتى جەرى بويىنشا ءتىنتۋ حاتتاماسى جانە العان پارانىڭ قالعان بولىگىن تاركىلەۋ، ءىس بويىنشا باسقا دالەلدەرمەن راستالدى.

قىلمىستىق ءىس سوتتالۋشىلار مەن پروكۋروردىڭ كىنانى مويىنداۋ تۋرالى پروتسەسسۋالدىق كەلىسىم جاساۋىنا بايلانىستى بىتىمگەرشىلىك ءىس جۇرگىزۋ تارتىبىمەن قارالدى.

سوتتالۋشىلاردىڭ جاۋاپكەرشىلىگى مەن جازاسىن ولاردىڭ جاساعان ىسىنە شىن جۇرەكتەن وكىنگەنى جانە ءارقايسىسىنىڭ اسىراۋىندا كامەلەتكە تولماعان بالالاردىڭ بولۋى جەڭىلدەتتى.

جاعدايدى اۋىرلاتاتىن ءمان-جاي جوق.

ب. پارا العانى ءۇشىن كىنالى دەپ تانىلىپ، وعان 9,3 ميلليون تەڭگە، ياعني العان پارانىڭ 30 ەسەلەنگەن سوماسىندا ايىپپۇل سالىندى.

گ. پارا بەرگەنى ءۇشىن كىنالى دەپ تانىلىپ، وعان پارانىڭ 20 ەسەلەنگەن سوماسىن - 6,2 ميلليون تەڭگە كولەمىندە ايىپپۇل سالىندى.

سوتتالعاندار ءومىر بويى مەملەكەتتىك قىزمەتتە جۇمىس اتقارۋ قۇقىعىنان ايىرىلادى.

سوت ۇكىمى زاڭدى كۇشىنە ەنگەن جوق.