10:22, 14 - ناۋرىز 2023 | GMT +6
قاسىم-جومارت توقايەۆ قازاقستاندىقتاردى امال مەيرامىمەن قۇتتىقتادى
استانا. قازاقپارات - قازاقستان پرەزيدەنتى قاسىم-جومارت توقايەۆ قازاقستاندىقتاردى كورىسۋ كۇنىمەن قۇتتىقتادى، دەپ حابارلايدى قازاقپارات
.
«بارشا قازاقستان حالقىن بۇگىنگى امال مەرەكەسىمەن قۇتتىقتايمىن! كوكتەمنىڭ العاشقى لەبىن الا كەلەتىن بۇل كۇندى جۇرتشىلىق ەجەلدەن اسىعا كۇتكەن. ەلدىك پەن ىنتىماققا شاقىراتىن وسى مەيرام - ۇلتىمىزدىڭ باۋىرمالدىق سالتىنىڭ جارقىن كورىنىسى. جىل بەرەكەلى بولسىن، اعايىن!»، - دەپ جازدى مەملەكەت باسشىسى Twitter پاراقشاسىندا.
ەسكە سالا كەتەيىك، بۇگىن قازاقستان حالقى بەرەكە مەن ىنتىماق مەرەكەسى - كورىسۋ كۇنىن تويلاپ جاتىر.