سەۋلدە الەمدەگى ەڭ ۇلكەن شاباقسىز شولۋ دوڭگەلەگى اتتراكسيونى سالىنادى
قالا بيلىگى اتتراكسيون 2027 -جىلى قالانىڭ سولتۇستىك-شىعىسىنداعى حانىل ساياباعىندا ورناتىلاتىنىن مالىمدەدى.
شاباقتارى جوق شولۋ دوڭگەلەگى - جاڭا ازىرلەمە. ادەتتە شولۋ دوڭگەلەكتەرىنىڭ ورتاسىنان وتەتىن شاباقتارى بولادى، ءبىراق سوڭعى بىرنەشە جىلدا تەحنولوگيا ولارسىز اينالۋ مۇمكىندىگىن بەرەتىندەي دەڭگەيدە دامىدى.
اتتراكسيون الەمدە شاباقسىز اينالاتىن ەڭ ۇلكەن اينالما دوڭگەلەك بولادى دەپ كۇتىلۋدە.
«سەۋل دوڭگەلەگى» - بۇرىن قوقىس ورنى بولىپ، قازىر جاسىل جوبالار ءۇشىن پايدالانىلاتىن سانگام-دوندا ءوتىپ جاتقان بىرنەشە باستامانىڭ ءبىرى. ۇكىمەتتىڭ حابارلاۋىنشا، ول كۇن ەنەرگياسى سياقتى ەكولوگيالىق تازا تەحنولوگيالاردى پايدالاناتىن بولادى.
اتتراكسيون قۇرىلىسى اياقتالعان سوڭ وندا ءارقايسىسىندا 25 ادامعا دەيىن سىيىپ كەتەتىن 36 ۆاگون بولادى. تولىق قۋاتىنا شىققاننان كەيىن ول تاۋلىگىنە 11792 ادامدى قابىلداي الادى.
قازىرگى ۋاقىتتا الەمدە شاباقسىز اينالاتىن ەڭ ۇلكەن شولۋ دوڭگەلەگى قىتايدىڭ شاندۋن پروۆينتسياسىندا ورنالاسقان. ونىڭ بيىكتىگى 145 مەتر.
وتكەن جىلدىڭ كۇزىندە ب ا ءا- دا اشىلعان Ain Dubai اتتراكسيونى الەمدەگى ەڭ بيىك اينالۋ دوڭگەلەگى اتاعىن سەنىمدى تۇردە يەلەنەدى. ونىڭ بيىكتىگى - 250 مەتر.