جاپونيادا جارتى عاسىر بۇرىن ءولىم جازاسىنا كەسىلگەن ادامعا سوت ۇكىمى قايتا قارالادى
حاكامادا سول كەزدە ءولىم جازاسىنا كەسىلدى. Amnesty International قۇقىق قورعاۋ ۇيىمىنىڭ مالىمەتىنشە، ول الەمدە ءولىم جازاسىنا كەسىلىپ، ۇكىمىن ەڭ ۇزاق ۋاقىت بويى كۇتكەن ادام بولدى، دەپ حابارلايدى قازاقپارات BBC-گە سىلتەمە جاساپ.
حاكامادا باستىعىن، ونىڭ ايەلىن جانە ەكى بالاسىن تونادى جانە ءولتىردى دەگەن ايىپپەن قاماۋعا الىندى. ولاردىڭ دەنەلەرى 1966 -جىلى توكيو ماڭىنداعى سويا وڭدەۋ زاۋىتىندا بولعان ورتتەن كەيىن تابىلعان.
20 كۇندىك جاۋاپ الۋدان كەيىن بۇرىن كاسىپقوي بوكسپەن اينالىسقان حاكامادا كىسى ولتىرگەنىن مويىندادى.
الايدا سوت كەزىندە حاكامادا تەرگەۋشىلەر ونى ۇرىپ-سوعىپ، كىنانى مويىنىنا العىزعانىن ايتتى. كۇدىكتىنىڭ قورعاۋشىلارى دا تەرگەۋشىلەر دالەلدەمەلەردى قولدان جاسادى دەپ وتىر.
حاكامادانىڭ ءىسىن قايتا قاراۋ كەزىندە ونىڭ د ن ق-سى ءولتىرۋشىنىڭ كيىمىندەگى قان داقتارىنان الىنعان دەرەكتەرگە سايكەس كەلۋ-كەلمەۋى قايتا تەكسەرىلەدى.
2014 -جىلى جاپونيانىڭ ايماقتىق سوتى حاكامادانى قاماۋدان بوساتىپ، ءىستى قايتا قاراۋدى بۇيىردى. سۋديالار ونىڭ كىناسى تۋرالى دالەلدەر ويدان شىعارىلعان بولۋى مۇمكىن دەپ شەشتى. توكيو سوتى شەشىمنىڭ كۇشىن جويدى، ءبىراق ەندى جاپونيانىڭ جوعارعى سوتى قايتا تىڭداۋ تۋرالى شەشىمدى قولدادى.
«مەن بۇل كۇندى 57 جىل كۇتتىم جانە قازىر كەلدى. ارقامنان جۇك تۇسكەندەي بولدى»، - دەدى حاكامادانىڭ 90 جاستاعى اپكەسى حيدەكو.
دەگەنمەن، قولدانىستاعى ەرەجەلەرگە سايكەس، حاكامادانىڭ ءىسىن قايتا قاراۋعا بىرنەشە جىل قاجەت بولۋى مۇمكىن. جاپوندىق قورعاۋشىلار سوت بيلىگىن بۇل پروتسەدۋرانى قىسقارتۋعا شاقىردى.
«ءبىز قازىر 87 جاسقا كەلىپ، 47 جىل تۇرمەدە وتىرعاننان كەيىن فيزيكالىق جانە پسيحيكالىق اۋرۋمەن اۋىراتىن حاكامادانىڭ قۇقىقتارىن قالپىنا كەلتىرۋدى ودان ءارى كەشىكتىرۋگە جول بەرە المايمىز»، - دەدى جاپونيا ادۆوكاتتار القاسىنىڭ باسشىسى موتودزي كوباياسي.
الەمنىڭ دامىعان دەموكراتيالىق ەلدەرىنىڭ ىشىندە ءولىم جازاسى جاپونيا مەن ا ق ش-تا عانا جويىلعان جوق.
اۆتور
زارينا تۋعانبايەۆا