جاپوندىقتاردىڭ سۋ ءىشىپ ەمدەلۋ ءتاسىلى

None
استانا. قازاقپارات - سۋ - تابيعاتتىڭ تەڭدەسىز سىيى. ادامزات جاراتىلعالى بەرى سۋدى پايدالانىپ كەلگەنىمەن، ونىڭ قانداي قاسيەتتەرگە يە ەكەنىن ءالى دە تولىق بىلمەيدى.

عالىمدار سۋدىڭ ادام بويىنا قاجەتىنشە جەتىسپەۋشىلىگىنەن كوپتەگەن اۋرۋلاردىڭ تۋاتىنىن دالەلدەگەن. بارلىق ەلەمەنتتەر مەن ميكروەلەمەنتتەر ەرىپ، قانعا قوسىلىپ جاسۋشالارعا ورنىعادى. مۇنىڭ بارلىعىن زات الماسۋ جۇيەسىندە رەتتەپ وتىراتىن سۋ بولىپ تابىلادى. سۇيىقتىقتىڭ جەتىسپەۋشىلىگىنەن زات الماسۋ بۇزىلىپ، سالدارىنان اۋرۋلار پايدا بولادى.

بۇگىندە جاپوندىقتاردا ۇيقىدان ويانا سالا سۋ ءىشۋ ادەتكە اينالعان. سۋدى كۇندەلىكتى دۇرىس مولشەردە تۇتىنۋ ارقىلى مىناداي اۋرۋلاردىڭ الدىن الۋعا بولادى: باس اۋرۋى، بۋىن سىرقىراۋى، جۇرەك اۋرۋى، ارتريت، جۇرەك سوعۋىنىڭ جيىلىگى، ەپيلەپسيا، سەمىزدىك، بۇيرەك اۋرۋى، لوقسۋ، گاستريت، ءىش ءوتۋ، گەمورروي، ديابەت، ءىش قاتۋ، كوز اۋرۋى، قۇلاق، تاماق جانە مۇرىن اۋرۋى.

ەمدەۋ ءتاسىلى

- تاڭعى ۇيقىدان ويانعان سوڭ 160 مل*4 ستاكان سۋ ءىشۋ (ءتىستى تازالاۋدان بۇرىن).

- ارتىنشا ءتىستى تازالاعاننان كەيىن 45 مينۋت ءىشىپ-جەۋگە بولمايدى.

- 45 مينۋتتان كەيىن ادەتتەگىدەي تاڭعى استى جەۋگە رۇقسات.

- تاڭعى، تۇسكى جانە كەشكى استان كەيىن 2 ساعات ەشتەڭە ءىشىپ- جەمەگەن ابزال.

- سىرقات نەمەسە قارت ادامدار 4 ستاكان سۋدى بىردەن قابىلداي الماسا از مولشەردەن باستاۋ كەرەك.

وسىلاردى كۇندەلىكتى قولدانىپ جۇرسەڭىز جوعارى قان قىسىمنان 30 كۇن ىشىندە ارىلاسىز، گاستريت پەن ءىش قاتۋدان 10 كۇندە ايىعاسىز. ءارتريدى بار سىرقاتتار جوعارىداعى ءتاسىلدى ءبىرىنشى اپتانىڭ ىشىندە ءۇش كۇن جاساپ (اراسىن ۇزسە دە بولادى)، كەلەسى اپتادان باستاپ كۇندەلىكتى ءومىر سالتىنا قوسقان ءجون.

بۇل ادىستەر كەرى اسەرىن تيگىزبەيدى، الايدا العاشقى كۇندەرى كىشى دارەتكە شىعۋ جيىلەۋى مۇمكىن.

سوڭعى جاڭالىقتار