دەنساۋلىق مينيسترلىگى سايلاۋ كۇنىندەگى ساقتىق شارالارىن اتادى

None
استانا. قازاقپارات - دەنساۋلىق ساقتاۋ مينيسترلىگى ەلدەگى ەپيدەميولوگيالىق احۋالعا بايلانىستى 19-ناۋرىز - سايلاۋ كۇنىندە ءبىرقاتار ساقتىق ءىس- شاراسىن ۇستانۋعا شاقىردى، دەپ حابارلايدى قازاقپارات ءتىلشىسى.

«قازىرگى ۋاقىتتا قىزىلشاعا شالدىعۋ ۇلكەن الاڭداۋشىلىق تۋدىرىپ وتىر. وسى جىلدىڭ باسىنان بەرى قىزىلشا كۇدىگىمەن 56 جاعداي تىركەلدى. ونىڭ ىشىندە بۇگىندە زەرتحانالىق راستالعانى - 20 جاعداي. 20 جاعدايعا زەرتتەۋ جالعاسىپ جاتىر. قىزىلشا جوعارى سەزىمتالدىقپەن سيپاتتالادى. اۋا- تامشى جولىمەن بەرىلەدى جانە ەگىلمەگەن ادامدارعا 100 پايىز ءقاۋىپ توندىرەدى»، - دەدى دەنساۋلىق ساقتاۋ ۆيتسە- ءمينيسترى ايجان ەسماعامبەتوۆا ورتالىق سايلاۋ كوميسسياسىنىڭ وتىرىسىندا.

ونىڭ اتاپ وتۋىنشە، سايلاۋدىڭ جاڭا فورماتىنا سايكەس، سايلاۋ ۋچاسكەسىندە ءبىر ۋاقىتتا سايلاۋ كوميسسيانىڭ مۇشەلەرى، بايقاۋشىلار جانە سەنىمدى ادامداردى قوسقاندا كوپ ادام جينالۋى مۇمكىن.

وسىعان بايلانىستى دەنساۋلىق ساقتاۋ مينيسترلىگى رەسپۋبليكامىزدا قىزىلشا، كوروناۆيرۋس ينفەكتسياسى بويىنشا اعىمداعى جاعدايدى ەسكەرە وتىرىپ:

- ءۇي- جايلاردىڭ ءبىر ادامعا كەمىندە 4 شارشى مەتر ەسەبىمەن تولتىرىلۋىن؛

- سايلاۋ پروتسەسىنە قاتىسۋشىلاردىڭ جينالۋىنا جول بەرمەي، ولاردىڭ اعىمىن رەتتەۋدى؛

- ءۇي- جايلاردا جەلدەتكىش/اۋا باپتاۋ جۇيەلەرىنىڭ ءۇزىلىسسىز جۇمىس ىستەۋىن؛

- جاساندى اۋا جەلدەتكىش جۇيەسى بولماعان جاعدايدا ءۇي- جايدى تۇراقتى تۇردە جەلدەتۋدى؛

- داۋىس بەرۋ باستالار الدىندا جانە قاجەتتىلىككە بايلانىستى كۇنى بويى ءۇي- جايدى جەلدەتۋدى؛ - داۋىس بەرۋ باستالار الدىندا جانە قاجەتتىلىككە بايلانىستى كۇنى بويى جۋۋ قۇرالدارىن قولدانا وتىرىپ، ىلعالدى تازارتۋ جۇرگىزۋدى، دەزينفەكتسيا جاساۋدى قامتاماسىز ەتۋدى ۇسىنادى.

سوڭعى جاڭالىقتار