مەملەكەت باسشىسى دانيال احمەتوۆكە ءبىرقاتار تاپسىرما بەردى

None
استانا. قازاقپارات - مەملەكەت باسشىسى شىعىس قازاقستان وبلىسىنىڭ اكىمى دانيال احمەتوۆتى قابىلدادى، دەپ حابارلايدى اقوردا.

پرەزيدەنتكە ايماقتىڭ 2022 -جىلعى نەگىزگى الەۋمەتتىك- ەكونوميكالىق دامۋ كورسەتكىشتەرى جونىندە ەسەپ بەرىلىپ، الداعى جىلدارعا ارنالعان جوسپارى باياندالدى.

دانيال احمەتوۆتىڭ ايتۋىنشا، بىلتىر شىعىس قازاقستان وبلىسىندا جالپى قۇنى 2194,2 ميلليارد تەڭگە بولاتىن ونەركاسىپ ءونىمى ءوندىرىلدى. نەگىزگى كاپيتالعا قۇيىلعان ينۆەستيتسيا كولەمى - 545,4 ميلليارد تەڭگە. وتكەن جىلى وبلىستا 318,1 مىڭ شارشى مەتر تۇرعىن ءۇي پايدالانۋعا بەرىلدى.

پرەزيدەنتكە 2022-2028 -جىلدارعا ارنالعان ءبىرىڭعاي يندۋستريالاندىرۋ كارتاسىنا شىعىس قازاقستان وبلىسى جالپى قۇنى 376 ميلليارد تەڭگەنى قۇرايتىن 12 جوبا ۇسىنعانى جونىندە مالىمەت بەرىلدى. سونىڭ ىشىندە ۇلان اۋدانىندا تاۋ- كەن بايىتۋ فابريكاسىنىڭ قۇرىلىسىن باستاۋ، التاي اۋدانىندا التاي تاۋ- كەن بايىتۋ كەشەنىنىڭ وندىرىستىك الاڭىن كەڭەيتۋ جوبالارى بار.

ءوڭىر باسشىسى اگروونەركاسىپ كەشەنىن دامىتۋعا ايرىقشا كوڭىل بولىنەتىنىن جەتكىزدى. وبلىستا مايلى داقىلداردىڭ ەگىستىك اۋدانى ۇلعايىپ، وسىمدىك مايىن وندەۋ كولەمى 1,8 ەسە ارتتى. گلۋبوكوە اۋدانىندا جىلىنا 300 مىڭ توننا وسىمدىك مايىن وندىرەتىن زاۋىت ىسكە قوسىلدى.

بىلتىر وبلىستاعى شاعىن جانە ورتا بيزنەس سۋبەكتىلەرىنىڭ سانى 12,5 پايىزعا ارتىپ، 61,5 مىڭعا جەتتى. بيىل كاسىپكەرلىكتى دامىتۋ جونىندەگى ۇلتتىق جوبا اياسىندا 1800 كاسىپكەرگە قولداۋ كورسەتىلەدى.

پرەزيدەنتكە وبلىستاعى دەنساۋلىق ساقتاۋ جانە ءبىلىم بەرۋ نىساندارى قۇرىلىسىنىڭ بارىسى تۋرالى باياندالدى. قازىرگى كەزدە وسكەمەن قالاسىندا گەماتولوگيا ورتالىعى، ريددەر قالاسىندا كوپبەيىندى اۋرۋحانا سالىنىپ جاتىر. «اۋىلداعى دەنساۋلىق ساقتاۋدى جاڭعىرتۋ» جوباسى اياسىندا ۇلان اۋدانىندا ءبىر اۋىسىمدا 140 پاتسيەنت قابىلداي الاتىن ەمحانا، اۋىلدىق ەلدى مەكەندەردە 20 دەنساۋلىق ساقتاۋ نىسانىن سالۋ جوسپارلانعان. ال «جايلى مەكتەپ» ۇلتتىق جوباسى بويىنشا وڭىردە بيىل 11 مەكتەپ پايدالانۋعا بەرىلمەك.

قاسىم- جومارت توقايەۆ دانيال احمەتوۆكە وبلىستاعى ءىرى ەلدى مەكەندەردىڭ كوممۋنالدىق ينفراقۇرىلىمىن جاڭعىرتۋعا جانە ءوڭىر حالقىنىڭ تۇرمىس ساپاسىن ارتتىرۋعا باعىتتالعان ءبىرقاتار تاپسىرما بەردى.

سوڭعى جاڭالىقتار