20:55, 13 - ناۋرىز 2023 | GMT +6
سايلاۋ: شەتەلدىك بايقاۋشىلاردى تىركەۋ اياقتالدى
استانا. قازاقپارات – 19- ناۋرىز كۇنى وتەتىن ءماجىلىس دەپۋتاتتارىن سايلاۋعا شەتەلدىك بايقاۋشىلاردى تىركەۋ اياقتالدى.
بۇل تۋرالى ورتالىق سايلاۋ كوميسسياسىنىڭ ءتوراعاسى نۇرلان ءابدىروۆ ايتتى، دەپ حابارلايدى قازاقپارات ءتىلشىسى.
«سايلاۋ تۋرالى» كونستيتۋتسيالىق زاڭنىڭ نورمالارىنا سايكەس، شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋدى جۇرگىزۋ داۋىس بەرۋ كۇنىنەن 5 كۇن بۇرىن جەرگىلىكتى ۋاقىتپەن، ياعني، بۇگىن 13- ناۋرىزدا 18:00دە اياقتالادى. وسىمەن ساعات 18:00 دە شەت مەملەكەتتەردىڭ جانە حالىقارالىق ۇيىمداردىڭ بايقاۋشىلارىن اككرەديتتەۋ مەرزىمى تولىعىمەن اياقتالدى»، - دەدى نۇرلان ءابدىروۆ بۇگىن كوميسسيا وتىرىسىندا.