قازاقستاندىق ستۋدەنتتەر شەتەلدەن نەسيە الىپ، قايتارمايتىن جايتتار بار - ايبەك سمادياروۆ

استانا. قازاقپارات - سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستاندىقتارعا شەنگەن ۆيزاسىن بەرۋ ءۇشىن ەنگىزىلگەن قوسىمشا كونسۋلتاتسيا ەنگىزىلۋىنە بايلانىستى پىكىر ءبىلدىردى، دەپ حابارلايدى قازاقپارات ءتىلشىسى.

«دەمەك، ءبىزدىڭ ازاماتتار شەتەلدە مۇنداي شارا قابىلداۋعا سەبەپ تۋىنداتىپ جاتىر. ءبىزدىڭ كەيبىر ازاماتتار شەنگەن ەلدەرىندە ءجۇرىپ اۆتوموبيل جالعا العاندا تيەسىلى ايىپپۇلدى تولەمەي ەلدەن شىعىپ كەتەدى. مۇنىڭ ءبارى قوردالاناتىنى تۇسىنىكتى. وزگە دە زاڭ بۇزۋ ارەكەتتەرى بولادى. بوتەن ەلگە بارعان سوڭ سونداعى ەرەجەلەر مەن زاڭداردى ساقتاۋ كەرەك. ستۋدەنتتتەر نەسيە الىپ، تولەمەستەن كەتىپ قالادى»، - دەدى ايبەك سمادياروۆ س ءى م بريفينگىسىندە.

بۇعان دەيىن سىرتقى ىستەر ءمينيسترىنىڭ ورىنباسارى رومان ۆاسيلەنكو «قازاقستان شەنگەن بويىنشا «قارا تىزىمگە» ەندى» دەگەن اقپاراتقا قاتىستى پىكىر بىلدىرگەن بولاتىن.