انكارادا تۇركى مەملەكەتتەرى ۇيىمىنىڭ س ءى م باسشىلارى كەزدەسەدى

None
استانا. قازاقپارات – 16- ناۋرىزدا تۇركيا استاناسىندا تۇركى مەملەكەتتەرى ۇيىمىنىڭ س ءى م باسشىلارى كەزدەسەدى، دەپ حابارلايدى قازاقپارات ءتىلشىسى.

سىرتقى ىستەر مينيسترلىگىنىڭ رەسمي وكىلى ايبەك سمادياروۆ ب ا ق وكىلدەرىمەن وتكەن بريفينگىدە وسىنداي مالىمەت ايتتى.

«2023-جىلعى 16- ناۋرىزدا انكارادا تۇركى مەملەكەتتەرى ۇيىمىنىڭ سىرتقى ىستەر مينيسترلەرى كەڭەسىنىڭ وتىرىسى وتەدى. قازاقستاننان سىرتقى ىستەر ءمينيسترىنىڭ ءبىرىنشى ورىنباسارى قايرات وماروۆ قاتىسادى.

وتىرىسقا قاتىسۋشىلار تۇركى مەملەكەتتەرى ۇيىمىنىڭ مەملەكەتتەر باسشىلارىنىڭ الداعى سامميتىنە دايىندىق ماسەلەلەرىن تالقىلايدى، سونداي-اق مەملەكەت باسشىلارىنىڭ قول قويۋى جوسپارلانعان قۇجاتتاردىڭ تۇپكىلىكتى جوبالارىن بەكىتەدى»، - دەدى س ءى م رەسمي وكىلى.

سوڭعى جاڭالىقتار