پرەزيدەنت مەملەكەتتى جاڭعىرتۋعا قاتىستى تىڭ باستامالاردى سايلاۋدان كەيىن جاريالاماق
بۇل تۋرالى ق ر پرەزيدەنتى قاسىم- جومارت توقايەۆ اكىمدەرمەن جانە مەملەكەتتىك ورگانداردىڭ باسشىلارىمەن كەزدەسۋىندە ايتتى، دەپ حابارلايدى قازاقپارات.
«ءبىز تۇراقسىزدىققا اپاراتىن ارەكەتتەرگە جول بەرمەيمىز. مۇنداي زاڭسىز ارەكەتتەردىڭ الدىن الۋ قاجەت. ەلگە ىرىتكى سالىپ، قوعامدىق ءتارتىپتى بۇزۋعا شاقىرعان ادامدار قاتاڭ جازالانادى. ارانداتۋعا قارسى كۇرەس زاڭ اياسىندا، جەدەل ءارى جۇيەلى تۇردە جۇرگىزىلۋى كەرەك. ءتيىستى زاڭدارىمىز بار، ولاردى قاتاڭ ساقتاۋىمىز كەرەك. ايتپەسە ارەكەتسىزدىكتىڭ سالدارى ەلىمىز ءۇشىن وتە قاۋىپتى بولۋى مۇمكىن. مەن بىرنەشە رەت ايتقانىمداي، بىزگە، ەڭ الدىمەن، زاڭ ۇستەمدىگى اسا قاجەت. زاڭ ساقتالسا جانە ازاماتتىق جاۋاپكەرشىلىك جوعارى بولسا، قوعامدا ءتارتىپ بولادى. تۇراقتىلىق بار جەردە عانا دامۋ، وركەندەۋ بولادى. ەل بىرلىگى - رەفورمالاردى تابىستى جۇزەگە اسىرۋدىڭ باستى كەپىلى. سوندىقتان ىرىستى ىنتىماقپەن بىلەك سىبانا جۇمىس ىستەۋىمىز قاجەت. مەملەكەتتى جان- جاقتى جاڭعىرتۋعا قاتىستى جۇمىس بولاشاقتا جالعاسىن تابادى. وسى ورايدا مەن ءبىرقاتار تىڭ باستامالاردى ويلاستىرىپ جاتىرمىن. ونى سايلاۋدان كەيىن جاريا ەتەمىن، - دەپ پرەزيدەنت ءسوزىن قورىتىندىلادى»، - دەدى مەملەكەت باسشىسى.