اقتاۋدا ادامداردى بوپسالاۋمەن اينالىساتىن قىلمىستىق توپ انىقتالدى
ماڭعىستاۋ وبلىسى پ د ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جەدەل- ىزدەستىرۋ ءىس- شارالارىن وتكىزۋ كەزىندە اقتاۋ قالاسىنىڭ «كورابليك» بيزنەس ورتالىعىنىڭ ارتىنداعى اۆتوجولدا Toyota Camry اۆتوكولىگىن توقتاتىپ، بوپسالاۋ فاكتىسىنە كۇدىكتى 26 جاستاعى جۇرگىزۋشىسى مەن 27 جاستاعى ونىڭ جولاۋشىسىن ۇستادى.
جابىرلەنۋشىنىڭ ايتۋىنشا، ءبىر توپ ادامدار ونى بىرنەشە رەت ۇرلاپ، ۇرىپ- سوعىپ، اتىس قارۋىن قولدانامىن دەپ قورقىتىپ، 500 مىڭ تەڭگە تالاپ ەتكەن، سونداي- اق جابىرلەنۋشىگە تيەسىلى اۆتوكولىكتى الىپ كەتكەن. پوليتسەيلەر اۆتوكولىكتى ءتىنتۋ بارىسىندا پاتروندارى بار «پ م» ماركالى جاۋىنگەرلىك تاپانشانى تاۋىپ، تاركىلەدى. كۇدىكتىلەردىڭ ۋاقىتشا تۇرعىلىقتى جەرىن ءتىنتۋ بارىسىندا ءبىرىنىڭ پاتەرىندە بىرنەشە جاۋىنگەرلىك جانە تراۆماتيكالىق وق- دارىلەر تابىلىپ، تاركىلەندى. باسقا ەكى مەكەنجاي بويىنشا ءتىنتۋ كەزىندە 3 بوپسالاۋ دەرەگىنە كۇدىكتىلەر انىقتالدى. ولاردىڭ تۇرعىلىقتى جەرىنەن پوليتسەيلەر تاعى ءبىر تاپانشا، ەكى مىلتىق پەن وق- دارىلەر تاركىلەدى.
مەكەنجايلاردىڭ بىرىنەن Opel Vectra كولىگى تابىلدى. ونى ۇستالعاندار جابىرلەنۋشىدەن كۇشپەن تارتىپ العانى بەلگىلى بولدى. بوپسالاۋ جانە قارۋدى ساقتاۋ فاكتىلەرى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىلەر ءوز ارەكەتتەرىن مويىندادى.
قىلمىس جان- جاقتى تەكسەرىلۋدە.
