17:57, 13 - ناۋرىز 2023 | GMT +6
ەلوردانىڭ نۇرا اۋدانىندا پوليتسيا باسقارماسى قۇرىلماق
استانا. قازاقپارات - ەلوردادا جاڭادان قۇرىلعان نۇرا اۋدانىندا پوليتسيا باسقارماسى جاساقتالادى.
بۇل تۋرالى اشىق تالقىعا شىعارىلعان ۇكىمەت قاۋلىسىندا جازىلعان، دەپ حابارلايدى قازاقپارات ءتىلشىسى.
«ق ر ىشكى ىستەر مينيسترلىگى استانا قالاسىنىڭ پوليتسيا دەپارتامەنتى «نۇرا» اۋدانىنىڭ پوليتسيا باسقارماسى مەملەكەتتىك مەكەمەسى قۇرىلسىن. مەملەكەتتىك مەكەمەنى قارجىلاندىرۋ ق ر ىشكى ىستەر مينيسترلىگىن ۇستاۋعا ارنالعان رەسپۋبليكالىق بيۋجەتتە جانە جەرگىلىكتى بيۋجەتتە كوزدەلگەن قاراجات ەسەبىنەن جۇزەگە اسىرىلادى»، - دەلىنگەن قۇجاتتا.
قاۋلى 30- ناۋرىزعا دەيىن كوپشىلىك تالقىلاۋدا بولادى.
ەسكە سالايىق، وتكەن جىلدىڭ جەلتوقسان ايىندا ەلوردادا جاڭا اۋدان قۇرۋ تۋرالى شەشىم قابىلدانىپ، وعان نۇرا اتاۋى بەرىلگەن ەدى. كەيىن ونىڭ شەكاراسى بەكىتىلدى.