قاۋىپتى جۇمىستاردى اتقاراتىن ورمان كۇزەتى قىزمەتكەرلەرىنە قوسىمشا اقى تولەنبەك

استانا. قازاقپارات - قاۋىپتى جۇمىستاردى ورىندايتىن مەملەكەتتىك ورمان كۇزەتى قىزمەتكەرلەرىنە قوسىمشا اقى تولەنۋى مۇمكىن.

بۇل تۋرالى «اشىق» ن ق ا پورتالىندا جاريالانعان ۇكىمەت قاۋلىسىندا كورسەتىلگەن، دەپ حابارلايدى قازاقپارات ءتىلشىسى.

«ق ر مەملەكەتتىك ورمان كۇزەتى قىزمەتتەرىنىڭ، تابيعات قورعاۋ مەكەمەلەرىنىڭ مەملەكەتتىك ينسپەكتورلارىنىڭ جانە جانۋارلار دۇنيەسىن، ورمانداردى قورعاۋ، ءوسىمىن مولايتۋ جانە ورمان پايدالانۋ جونىندەگى مامانداندىرىلعان ۇيىمداردىڭ قىزمەتكەرلەرىنە دەنساۋلىققا جانە ومىرگە زيان كەلتىرۋ قاۋپىمەن بايلانىستى جۇمىسى ءۇشىن لاۋازىمدى ايلىقتىڭ %100 مولشەرىندە قوسىمشا اقى تولەنەدى»، - دەلىنگەن قاۋلىدا.

قۇجاتقا قوسىمشا بەرىلگەن تۇسىندەرمەگە ساي، مۇنداي باستاما ماتەريالدىق تۇرعىدان ءالسىز قامتاماسىز ەتىلگەن سالا ماماندارىنىڭ ماسەلەسىن شەشۋگە باعىتتالعانى جازىلعان.

«ازاماتتىق قىزمەتشىلەرگە، مەملەكەتتىك بيۋدجەت قاراجاتى ەسەبىنەن ۇستالاتىن ۇيىمدار قىزمەتكەرلەرىنە، قازىنالىق كاسىپورىندار قىزمەتكەرلەرىنە ەڭبەكاقى تولەۋ جۇيەسى تۋرالى» ق ر ۇكىمەتىنىڭ قاۋلىسىمەن قىزمەتكەرلەردىڭ كورسەتىلگەن ساناتتارى ءۇشىن 2025-جىلعا دەيىنگى لاۋازىمدىق ايلىقاقىلاردىڭ بەلگىلەنگەن مولشەرىنە ەكى ەسە ۇلعايۋ مولشەرىندە تۇزەتۋ كوەففيتسيەنتتەرى بەلگىلەنگەن. ءوز كەزەگىندە، قوستاناي، شىعىس قازاقستان، الماتى جانە قاراعاندى وبلىستارىنداعى سوڭعى اۋقىمدى ورمان ورتتەرى ورمان شارۋاشىلىعى ماماندارىنىڭ، اسىرەسە اۋىلدىق جەرلەردە تاپشىلىعى، سونداي-اق قىزمەتتەردى ماتەريالدىق قامتاماسىز ەتۋدىڭ السىزدىگى پروبلەمالارىن اشتى. وسىعان بايلانىستى، ق ر پرەمەر-ءمينيسترى ءاليحان سمايىلوۆتىڭ 2022-جىلعى 8- قىركۇيەكتەگى تاپسىرماسىن ىسكە اسىرۋ شەڭبەرىندە تابيعات قورعاۋ مەكەمەلەرىنىڭ قىزمەتكەرلەرىنە جالاقىنى ۇلعايتۋ ۇسىنىلادى»، - دەپ تۇسىندىرمە بەرىلگەن قۇجاتقا.

قاۋلى 30- ناۋرىزعا دەيىن كوپشىلىك تالقىلاۋدا بولادى.