قىتايدا جاڭبىردىڭ ورنىنا اسپاننان قۇرت جاۋعان

استانا. قازاقپارات - جەلىدە قىتايدىڭ «لياونيڭ پروۆينسياسىندا بولعان» وقيعا تۋرالى ۆيدەو تاراپ جاتىر.

بەينەروليكتە پروۆينتسيادا اسپاننان جاڭبىردىڭ ورنىنا قۇرت جاۋعانىن كورۋگە بولادى، - دەپ Tengritravel.kz حابارلايدى.

ۆيدەودا كولىكتەر مەن جەردە قۇرتتار جاتقانىن، ال ادامدار قولشاتىرمەن كەتىپ بارا جاتقانىن كورۋگە بولادى. جەلى قولدانۋشىلارى اسپاننان جاڭبىردىڭ ورنىنا قۇرت جاۋعانىن جازعان. Mother Nature Network زەرتتەۋشىلەرىنىڭ دەرەكتەرى بويىنشا، بۇل ءجيى بولىپ تۇراتىن قۇبىلىس. ال قۇرتتار قاتتى جەلدىڭ اسەرىنەن اۋاعا ءتۇسىپ، داۋىل باسىلعان كەزدە جەرگە قۇلاعان بولۋى مۇمكىن.

الايدا كەيبىر ادامدار بۇل قۇرت ەمەس، تەرەكتەردەن تۇسكەن نارسەلەر ەكەنىن دە ايتادى. ال ەندى ءبىرى بۇل ۆيدەو فەيك بولۋى مۇمكىن ەكەنىن دە جازعان.