13:02, 13 - ناۋرىز 2023 | GMT +6
اقمولا وبلىسىنداعى كۋپچانوۆكا اۋىلىنا قازاقشا اتاۋ بەرىلمەك
استانا. قازاقپارات - اقمولا وبلىسىنىڭ بۇلاندى اۋدانىنا قاراستى كۋپچانوۆكا اۋىلىنىڭ اتاۋى بايتاس بولىپ وزگەرۋى مۇمكىن. بۇل تۋرالى «اشىق» ن ق ا پورتالىندا جاريالانعان اقمولا وبلىسى اكىمدىگى مەن ءماسليحاتىنىڭ بىرلەسكەن شەشىمىندە جازىلعان، دەپ حابارلايدى قازاقپارات ءتىلشىسى.
«يدەولوگيالىق تۇرعىدان ەسكىرگەن اتاۋلارى بار ەلدى مەكەندەر مەن ولاردىڭ قۇرامداس بولىكتەرىن قايتا اتاۋ جونىندەگى 2022-2025 -جىلدارعا ارنالعان جول كارتاسىن ورىنداۋ ماقساتىندا اقمولا وبلىسى بۇلاندى اۋدانىنىڭ قاراوزەك اۋىلدىق وكرۋگىنە قاراستى كۋپچانوۆكا اۋىلى بايتاس بولىپ وزگەرتىلسىن»، - دەلىنگەن شەشىمدە.
قۇجاتقا قوسىمشا بەرىلگەن تۇسىندىرمەدە جازىلعانداي، ەلدى مەكەن اتاۋىن وزگەرتۋ ءۇشىن جەرگىلىكتى بيۋدجەتتەن قارجى تالاپ ەتىلمەيدى.
قۇجات 29- ناۋرىزعا دەيىن كوپشىلىك تالقىلاۋدا بولادى.
ەسكە سالا كەتسەك، بۇعان دەيىن اقمولا وبلىسىنىڭ بىرلىك اۋىلدىق وكرۋگىنە قاراستى ءۇش ەلدى مەكەننىڭ اتاۋى وزگەرەتىنىن حابارلاپ ەدىك. جالپى، بىلتىر بۇل وڭىردە 11 اۋىل مەن 90 كوشەگە قازاقشا اتاۋ بەرىلدى.
اۆتور
ءاليحان اسقار