قازاقستاندا اراق ساۋداسى نەلىكتەن ەكى ەسە ارتىپ كەتتى

None
استانا. قازاقپارات - ەلىمىزدىڭ نارىعىندا اراق، كونياك جانە سپيرت ساۋداسى قىزىپ تۇر.

2022 -جىلى ەلدەگى دۇكەندەردە 139,9 ميلليون ليتردەن استام اراق، كونياك جانە سپيرت ساتىلىپتى. Energyprom.kz رەسۋرسىنىڭ ساراپتاماسىندا وسىنداي مالىمەت بەرىلگەن، دەپ حابارلايدى قازاقپارات ءتىلشىسى.

«بۇل - ەلدەگى سپيرتتىك ىشىمدىكتەر نارىعىنىڭ ستاتيستيكاسىنداعى ابسوليۋتتى رەكورد. 2021 -جىلمەن سالىستىرعاندا ىشكى نارىقتا سپيرتتىك ىشىمدىك ساتۋ كولەمى %90,4 ءوستى. ءوسىم نەگىزىنەن اراق پەن ليكەر-شاراپ ونىمدەرىنىڭ ساۋداسى ەسەبىنەن پايدا بولعان - 44,2 ميلليون ليتردەن 90,1 ميلليون ليترگە دەيىن ارتقان. سپيرت ساۋداسى دا قىزىپ، 29,3 ميلليون ليترگە جەتتى (پليۋس %68,1). ال كونياك نارىعىندا 20,5 ميلليون ليتر ءونىم ساتىلعان (%73,5 ءوسىم) . قىزۋى جوعارى سپيرتتەن باسقا ىشىمدىك تۇرلەرىنە دەگەن سۇرانىس مۇنشالىقتى جوعارى بولعان جوق. شاراپ ساتۋ كولەمى %26,9، شامپان ساتۋ %28، سىرا ساتۋ %1,9 ازايعان»، - دەپ جازىلعان ساراپتامادا.

ماقالادا مۇنداي ءوسىمنىڭ سەبەبى دە ايتىلعان.

«قازاقستاندا الكوگولگە دەگەن سۇرانىستىڭ وسىنشالىق ارتۋىن جالعىز جايتپەن بايلانىستىرۋعا بولادى. ەلدە قازاقستاندىقتارعا قاراعاندا اسىرەسە اراق پەن كونياكتى ايرىقشا كوپ كولەمدە تۇتىناتىنداردىڭ سانى كۇرت وسكەن. دۇنيەجۇزىلىك دەنساۋلىق ساقتاۋ ۇيمىنىڭ دەرەگىنشە، رەسەيلىكتەر قازاقستاندىقتارعا قاراعاندا ەكى ەسە كوپ ىشىمدىك ىشەدى(جان باسىنا شاققانداعى كورسەتكىش)»، - دەپ جازادى Energyprom.kz.

سوڭعى جاڭالىقتار