اسكەرگە بارعانداردى ۇ ب ت ناتيجەسىنسىز اسكەري وقۋ ورنىنا قابىلداۋ تالاپتارى جاريالاندى

استانا. قازاقپارات - ىشكى ىستەر مينيسترلىگى «جوعارى ءبىلىمنىڭ ءبىلىم بەرۋ باعدارلامالارىن ىسكە اسىرىپ جاتقان ق ر ىشكى ىستەر مينيسترلىگىنىڭ اسكەري، ارناۋلى وقۋ ورىندارىنا وقۋعا قابىلداۋ قاعيدالارىن بەكىتۋ تۋرالى» بۇيرىعىنا وزگەرىس ەنگىزبەك، دەپ حابارلايدى قازاقپارات ءتىلشىسى.

اتاپ ايتقاندا، ەندى وتان الدىنداعى بورىشىن وتەگەن ازاماتتار ىشكى ىستەر مينيسترلىگىنىڭ اسكەري وقۋ ورىندارىنا تۇسە الادى.

«مەرزىمدى اسكەري قىزمەت وتكەرگەن جانە ءىىم- ءنىڭ اسكەري وقۋ ورىندارىنا تۇسۋگە نيەت بىلدىرگەن جانە وقۋعا تۇسەتىن جىلى 24 جاسقا تولماعان ازاماتتار مەرزىمدى اسكەري قىزمەت اياقتالعان ساتتەن باستاپ ءبىر جىلدان كەشىكتىرمەي قابىلداۋ جىلى 1-ماۋسىمعا دەيىنگى مەرزىمدە ىشكى ىستەر ورگاندارىنىڭ اۋماقتىق بولىمشەسى، ىشكى ىستەر مينيسترلىگىنىڭ اسكەري وقۋ ورنى باسشىسىنىڭ نەمەسە تۇرعىلىقتى جەرى بويىنشا اسكەري ءبولىم كومانديرىنىڭ اتىنا وتىنىشپەن جۇگىنەدى. ءبولىم كومانديرى مىندەتتى ارنايى تەكسەرۋ جانە اسكەري- دارىگەرلىك ساراپتاما قاعيدالارىنا سايكەس، كانديداتتىڭ الدىن الا مەديتسينالىق كۋالاندىرۋدان ءوتۋى بويىنشا جۇمىستى ۇيىمداستىرادى»، - دەلىنگەن قۇجاتتا.

مىندەتتى ارنايى تەكسەرۋدەن وتكەن، دەنساۋلىق جاعدايى بويىنشا وقۋعا جارامدى ازاماتتار 20 شىلدەگە دەيىن قاجەتتى قۇجاتتاردى تاپسىرىپ، تۇپكىلىكتى مەديتسينالىق تەسكەرىستەن ءوتۋى ءۇشىن اسكەري وقۋ ورنىنا بارۋى ءتيىس.

«ىشكى ىستەر مينيسترلىگىنىڭ اسكەري وقۋ ورنىنا قابىلداۋ جىل سايىنعى قابىلداۋ جوسپارىنىڭ %20 نان اسپايتىن مولشەردە ۇلتتىق ۇلاننىڭ اسكەري بولىمدەرىندە بۇرىن جۇرگىزىلگەن ىرىكتەۋ ناتيجەلەرى بويىنشا جۇزەگە اسىرىلادى»، - دەپ كورسەتىلگەن بۇيرىق جوباسىندا.

اسكەري وقۋ ورنىنا ءتۇسۋ ءۇشىن وتان الدىنداعى بورىشىن وتەگەندەردىڭ ۇ ب ت ناتيجەسى ەسەپكە الىنبايدى.

ولار مىنا قۇجاتتاردى ۇسىنۋى ءتيىس:

- مەرزىمدى اسكەري قىزمەت وتكەرگەنىن راستاۋ تۋرالى انىقتاما (ح ق ك و- دان نەمەسە E- GOV اقپاراتتىق جۇيەسى ارقىلى الىنعان)؛

- ۇسىنىم (كوميسسيانىڭ كونكۋرستىق ىرىكتەۋدەن وتكەنى تۋرالى قورىتىندىسى).

قۇجات 29-ناۋرىزعا دەيىن كوپشىلىك تالقىلاۋدا بولادى.