ەگدە جاستاعى ادامدارعا پايدالى كەپتىرىلگەن جەمىس تۋرالى بىلەسىز بە؟
ماماننىڭ سوزىنشە، ەگدە جاستاعى ادامدار ءۇشىن پايدالى كەپتىرىلگەن جەمىس - كەپتىرىلگەن ورىك ەكەن، سەبەبى ونىڭ قۇرامىندا بەتا- كاروتين كوپ.
«بەتا- كاروتين كورۋ قابىلەتىنىڭ قالىپتى جۇمىس ىستەۋى، جاڭا تىندەردىڭ ءوسۋى ءۇشىن قاجەت. بۇل يممۋندىق جۇيەگە، تەرىنىڭ جانە شىرىشتى قابىقتىڭ جاڭارۋىنا قاجەت»، - دەپ ءتۇسىندىردى ديەتولوگ.
دارىگەر كەپتىرىلگەن ورىكتىڭ قۇرامىندا كالي كوپ ەكەنىن اتاپ ءوتتى. ول دەنەدەن ارتىق سۇيىقتىقتى كەتىرەدى، جۇرەك بۇلشىقەتىن كۇشەيتەدى.
«كالي ەگدە جاستاعى بارلىق ادامعا وتە قاجەت، سەبەبى جۇرەك قارتايعان سايىن السىرەيدى. سونىمەن قاتار، ول قىسىمدى تومەندەتەدى»، - دەدى سولوماتينا.
سونداي-اق، كەپتىرىلگەن ورىك ىشەكتىڭ جۇمىسىن جاقسارتاتىن تالشىق نەگىزى بولىپ سانالادى.
«كوپتەگەن ادام قارتايعان سايىن تالشىقتى از تۇتىنادى. تالشىق - بۇل تۇراقتى ءناجىس، قالىپتى تاعامدىق كەسەك جانە ءبىزدىڭ پايدالى ميكروبيوماعا ارنالعان تاعام. بۇل جاقسى اس قورىتۋ ءۇشىن قاجەت. ساۋ ىشەك - بۇل ءبىزدىڭ يممۋندىق جانە جۇيكە جۇيەلەرىمىز، بۇل مەتابوليكالىق پروتسەسس»، - دەيدى ديەتولوگ.