10:04, 13 - ناۋرىز 2023 | GMT +6
يران مەن ساۋد ارابياسى ديپلوماتيالىق بايلانىس ورناتادى
استانا. قازاقپارات- اراعا جەتى جىل سالىپ، يران مەن ساۋد ارابياسى ديپلوماتيالىق قارىم- قاتىناستى جانداندىرۋعا كەلىستى. الداعى ەكى اي ىشىندە ەكى مەملەكەت ەلشىلەر جىبەرىپ، قايتادان ءوزارا بايلانىستى بەكىتپەك.
بۇل ۋاعدالاستىق قىتايدىڭ رەسمي وكىلدەرىنىڭ اراعايىندىعىمەن جۇزەگە اسىپ وتىر. 2016 -جىلى يران مەن ساۋد ارابياسى اراسىنداعى قارىم- قاتىناسقا سىزات تۇسكەن ەدى. وعان يرانداعى ساۋد ەلشىلىگىنە جاسالعان شابۋىلدار سەبەپ بولدى. شابۋىلدار تانىمال شييتتىك ۋاعىزشى مەن شييتتىك اعىمنىڭ قىرىقتان استام وكىلى ساۋد ارابياسىندا ولتىرىلگەن كۇننىڭ ەرتەسىندە ۇيىمداستىرىلدى. ءولىم جازاسىنا كەسىلگەندەردىڭ بارىنە سول كەزدە تەررورعا قاتىسى بار دەگەن ايىپ تاعىلدى.
www.24.kz