اقتاۋدا امال مەيرامى تويلاناتىن وتپانتاۋعا تەگىن اۆتوبۋس قاتىنايدى

اقتاۋ. قازاقپارات - ماڭعىستاۋدا امال مەرەكەسىنە ارنالعان ءىس- شارالار وتەتىن وتپان تاۋىنا تەگىن اۆتوبۋس قاتىنايدى. بۇل تۋرالى وڭىرلىك كوممۋنيكاتسيا ورتالىعىنان ءمالىم ەتتى، دەپ حابارلايدى قازاقپارات ءتىلشىسى.

«2023 -جىلعى امال مەيرامىن مەرەكەلەۋ شارالارىنىڭ اياسىندا 13-14- ناۋرىز كۇندەرى «وتپان» تاريحي- مادەني كەشەنىنە تەگىن اۆتوبۋس جۇرەدى» دەلىنگەن مالىمەتتە.

اۆتوبۋستار 13- ناۋرىز ساعات 13.00-دە، 14- ناۋرىز ساعات 08.00-دە «نۇرپلازا» قوناق ءۇيىنىڭ الدىنان جۇرەدى.

سول كولىكتەرمەن وتپاننان اقتاۋعا كەرى قايتۋ مۇمكىندىگى قاراستىرىلعان.

ايتا كەتەيىك، وسىعان دەيىن ماڭعىستاۋدا امال مەرەكەسىنە وراي قانداي شارالار جوسپارلانعانىن جازعان ەدىك.

اۆتور

ينديرا ساتەنباي