اقمولا وبلىسىنداعى ءۇش اۋىلدىڭ اتاۋى قازاقشا بولادى

None
استانا. قازاقپارات - اقمولا وبلىسىنىڭ بىرلىك اۋىلدىق وكرۋگىنە قاراستى ءۇش ەلدى مەكەننىڭ اتاۋى وزگەرۋى مۇمكىن.

بۇل تۋرالى «اشىق» ن ق ا پورتالىندا جاريالانعان ءوڭىر اكىمدىگى مەن ماسليحاتتىڭ بىرلەسكەن شەشىمىندە جازىلعان، دەپ حابارلايدى قازاقپارات ءتىلشىسى.

«اقمولا وبلىسىنىڭ اكىمدىگى مەن وبلىستىق ءماسليحات بىرلىك اۋىلدىق وكرۋگىنە قاراستى كراسنايا پوليانا اۋىلىن - بىرلىك، اربۋزينكا اۋىلىن - اقكەنت، پەتريكوۆكا اۋىلىن تۇمار اۋىلى دەپ اتاۋ تۋرالى شەشىم شىعاردى»، - دەلىنگەن تالقىلاۋعا شىعارىلعا قۇجاتتا.

قوسا كەتسەك، بىلتىر اقمولا وبلىسىنا قاراستى ارشالى اۋدانىنداعى 2 اۋىل مەن 1 اۋىلدىق وكرۋگتىڭ جانە بۋراباي اۋدانىنا ەنەتىن كراسنىي كوردون اۋىلىنىڭ اتاۋى وزگەرگەن ەدى. جالپى، وتكەن جىلى بۇل وڭىردە 11 ەلدى مەكەن مەن 90 كوشەگە قازاقشا اتاۋ بەرىلدى.

سوڭعى جاڭالىقتار