ا ق ش- تىڭ ەڭ ءىرى بانكتەرىنىڭ ءبىرى بانكروتقا ۇشىرادى
بۇل ون جىلدان استام ۋاقىت بۇرىن قارجىلىق داعدارىستىڭ شىڭىنا جەتكەن Washington Mutual بانكىنىڭ ساتسىزدىگىنەن كەيىنگى ا ق ش تاريحىنداعى ەكىنشى ءىرى بانكتىڭ قۇلدىراۋى. سونداي-اق، Silicon Valley ىرىلىگى جاعىنان ەلدەگى 16-ورىندا تۇرعان بانك بولدى.
Silicon Valley جىلدام داعدارىسقا ۇشىرادى. كەيبىر سالا ساراپشىلارى جۇما كۇنى كومپانيانىڭ جاقسى جاعى مەن ينۆەستيتسيا سالۋعا قولايلى ەكەنىن ايتتى. بانك باسشىلىعى جۇما كۇنى تاڭەرتەڭ كاپيتالدى وسىرۋگە جانە قوسىمشا ينۆەستورلار تابۋعا تىرىستى. الايدا، بانك اكسيالارىنىڭ ساۋدا-ساتتىعى توتەنشە قۇبىلمالىلىققا بايلانىستى ۋولل-ستريتتەگى ساۋدا-ساتتىق سەسسياسى باستالعانعا دەيىن توقتاتىلدى.
تۇسكە دەيىن دەپوزيتتەردى ساقتاندىرۋ بويىنشا فەدەرالدى كورپوراتسيا (FDIC) بانكتى جابۋ تۋرالى شەشىم قابىلدادى. كورپوراتسيا بانك اكتيۆتەرىنە بىردەن ساتىپ الۋشى تابا المادى، بۇل سالىمشىلاردىڭ اقشانى الۋ جىلدامدىعىن كورسەتەدى. قالعان ساقتاندىرىلماعان دەپوزيتتەر سىرتقى باسقارۋدا بولادى.
FDIC مالىمەتىنشە، بانكروت كەزىندە بانكتىڭ جالپى اكتيۆتەرى 209 ميلليارد دوللاردى قۇرادى. سالىمداردىڭ قانشا بولىگى ساقتاندىرۋ ليميتى - 250 مىڭ دوللاردان اسىپ كەتكەنى بەلگىسىز، ءبىراق رەتتەۋشىلەردىڭ بۇرىنعى ەسەپتەرى بۇل ۇلەستىڭ ايتارلىقتاي جوعارى بولعانىن كورسەتتى.
FDIC جۇما كۇنى 250 مىڭ دوللاردان اسپايتىن سالىمدار يەلەرىنە 13- ناۋرىز كۇنى تاڭەرتەڭ قولجەتىمدى بولاتىنىن حابارلادى.
بانكتىڭ بانكروتقا ۇشىراۋى جۇما كۇنى بارلىق قارجى ينستيتۋتتارىنىڭ اكسيالارىنىڭ تومەندەۋىنە اكەلدى، ولار دۇيسەنبىدەن باستاپ ەكى ەسە تومەندەدى.
بۇعان دەيىن FTX كريپتو بيرجاسى بانكروت جاريالادى، ول حاكەرلەردى 415 ميلليون دوللار ۇرلادى دەپ ايىپتادى.