قاننىڭ قويۋ نەمەسە سۇيىق بولۋى نەگە بايلانىستى؟

استانا. قازاقپارات - ءبىزدىڭ قانىمىز - سۇيىق جانە قوزعالمالى ءتىن. ول اعزاداعى كەز كەلگەن وزگەرىستەرگە ءوزىنىڭ ءتۇسىن جانە تىعىزدىعىن وزگەرتۋ ارقىلى اسەر بەرەدى. ونىڭ جاعدايى نەگە بايلانىستى جانە سۇيىق نەمەسە قويۋ قان قانداي اۋرۋلار جايلى بەلگى بەرۋى مۇمكىن.

بۇل تۋرالى ماماندار Doctorpiter. ru پورتالىنا جاۋاپ بەردى، - دەپ حابارلايدى Massaget.kz ءتىلشىسى.

ءسىز قانداي دا ءبىر سەبەپپەن مەديتسينالىق كومەككە جۇگىنگەن كەزدە دارىگەرلەر ەڭ الدىمەن جالپى قان اناليزىن تاپسىرۋعا جىبەرەدى. بۇل ولارعا دياگنوز قويۋ كەزىندە قاتەلەسپەۋگە قاجەت. جەلىدە قويۋ جانە سۇيىق قان دەگەن تۇسىنىكتەردى كەزدەستىرۋگە بولادى. ول نەنى بىلدىرەدى؟

حيرۋرگ كيريلل يۋۆچەنكو قاننىڭ وتە سۇيىق بولۋى نەسىمەن قاۋىپتى ەكەنىن ءتۇسىندىردى.

«ەگەر وندا سۋ كوپ بولسا، قان سۇيىق بولىپ كەتەدى. ناقتى شەككە دەيىن ونىڭ ەش زيانى جوق، ءبىراق ودان اسىپ كەتسە، ول ءىسىندىرىپ، قىسىمنىڭ كوتەرىلىپ كەتۋىنە ىقپال ەتۋى مۇمكىن.

ء بىراق ەگەر ادام كوپ قان جوعالتسا جانە ونىڭ ورنىن تولىقتىرۋ ءۇشىن وعان ەلەكتروليتتى ەرىتىندى ەنگىزسە، ول ءبىر ساتتە وتە سۇيىلتىلعان بولىپ كەتۋى مۇمكىن. مۇنداي كەزدە جاپپاي قان كەتۋ بولىپ، ادام ءولىپ كەتۋى دە مۇمكىن»، - دەدى دارىگەر.

ناۋقاستىڭ ءومىرىن ساقتاپ قالۋ ءۇشىن قان قاتتى كەتكەن جاعدايدا كەيدە دارىگەرلەر ەلەكتروليتتى ەرىتىندى ەنگىزۋدى توقتاتادى دا، تەپە-تەڭدىكتى ساقتاپ قالۋ ءۇشىن قان كومپونەنتتەرىن قۇيادى.

قاننىڭ سۇيىق نەمەسە قويۋ ەكەنىن كوزبەن قاراپ ايتۋ مۇمكىن ەمەس. ونى انىقتاۋ ءۇشىن قان اناليزىن تاپسىرۋ كەرەك. ونىڭ ناتيجەسىنەن گەماتوكريت كورسەتكىشىن قارايدى. ول قانشالىقتى تومەن بولسا، قان سونشالىقتى سۇيىق بولعانى.

ەگەر گەماتوكريت كورسەتكىشى جوعارى بولسا، قاندى قويۋ دەپ اتايدى. ول اعزاعا سۋ جەتىسپەگەن كەزدە قويۋلانىپ كەتەدى.

«قان قويۋ بولسا، ونىڭ قانتامىرلار ارقىلى قوزعالۋى قيىنداي تۇسەدى. ول تىندەردى قورەكتىك زاتتارمەن جانە وتتەكپەن ناشار قامتاماسىز ەتەدى. سول ءۇشىن قاننىڭ ۇيىپ قالۋ قاۋپى ارتادى. اعزاعا سۋدىڭ جەتىسپەيتىنىن تەرىگە قاراپ بىلۋگە بولادى: ونىڭ تونۋسى السىرەپ كەتەدى، اجىمدەر ەرتە پايدا بولادى، ساۋساقتاردىڭ باسى تىرجيعان بولۋى مۇمكىن»، - دەدى حيرۋرگ.