جاڭا سپورت كەشەندەرىندە ەرەكشە قاجەتتىلىگى بار جاندارعا بۇكىل جاعداي جاسالۋعا ءتيىس - ءاليحان سمايىلوۆ
350 توسەك- ورىنعا ارنالعان جۇقپالى اۋرۋلار ۇلتتىق عىلىمي ورتالىعىنىڭ قۇرىلىسىن 2023 -جىلدىڭ سوڭىندا اياقتاۋ جوسپارلانىپ وتىر.
ستاتسيوناردان باسقا، وندا عىلىمي- زەرتتەۋ جانە وقۋ ورتالىقتارى، زەرتحانالار، مەديتسينالىق ۋنيۆەرسيتەتتەردىڭ كافەدرالارى جانە ت. ب. ورنالاساتىن بولادى.
جاڭا ورتالىقتا جۇقپالى اۋرۋلار، پۋلمونولوگيا جانە فتيزياتريا سالاسىندا ساپالى مەديتسينالىق كومەك كورسەتىلەدى، زەرتتەۋلەر جۇرگىزىلىپ، ماماندار وقىتىلادى، وزىق مەديتسينالىق تەحنولوگيالار پايدالانىلىپ، دارىلىك پرەپاراتتار سىنالادى.
بۇدان باسقا جاڭا نىسان بازاسىندا رەسپۋبليكاداعى ەپيدەميولوگيالىق احۋالدى باقىلاۋ ءۇشىن احۋالدىق ورتالىق اشۋ جوسپارلانۋدا.
پرەمەر- مينيستر د د ۇ مالىمەتتەرى بويىنشا جىل سايىن 2 ميلليارد ادام جۇقپالى اۋرۋلارمەن اۋىرىپ، 50 ميلليوننان استام ادام قايتىس بولاتىنىن ايتتى.
«ورتالىقتىڭ اشىلۋى تۋبەركۋلەزدەن عانا ەمەس، جالپى باسقا دا جۇقپالى اۋرۋلاردان، ونىڭ ىشىندە اسا قاۋىپتى اۋرۋلاردان بولاتىن سىرقاتتانۋشىلىق پەن ءولىم- ءجىتىمدى ازايتۋعا مۇمكىندىك بەرەدى. الماتى اكىمدىگى ورتالىقتى اشۋ ماسەلەسىن ەرەكشە باقىلاۋدا ۇستاۋى قاجەت»، — دەدى ءاليحان سمايىلوۆ.
الماتى اكىمىنىڭ ورىنباسارى اسەم ءنۇسىپوۆا دەنساۋلىق ساقتاۋ سالاسىن دامىتۋ اياسىندا 2025 -جىلعا دەيىن پوليورتالىقتى قاعيداتى بويىنشا 16 ەمحانا سالۋ جوسپارلانىپ وتىرعانىن، وندا رەسپۋبليكادا العاش رەت م س ا ك ءبىرىڭعاي ستاندارتى ەنگىزىلەتىنىن باياندادى.
بۇل 300 مىڭنان استام ادام ءۇشىن العاشقى مەديتسينالىق قىزمەتتەردى قولجەتىمدى ەتەدى.
بۇدان باسقا، 2030 -جىلعا دەيىن قولدانىستاعى 25 كوپ سالالى جانە مامانداندىرىلعان ستاتسيوناردىڭ ينفراقۇرىلىمى كەزەڭ- كەزەڭمەن جاڭعىرتىلادى.
سونداي- اق 5 كوپسالالى ستاتسيونار (نەيروحيرۋرگيا، ينسۋلت ورتالىعى، ەندوپروتەزدەۋ، تراۆماتولوگيا جانە ورتوپەديا) بازاسىندا ارنايى ورتالىقتار قۇرۋ جانە باسقا دا ءبىرقاتار قادامدى ىسكە اسىرۋ جوسپارلانۋدا.
سودان كەيىن پرەمەر- مينيستر سالىنىپ جاتقان وقۋشىلاردىڭ يننوۆاتسيالىق شىعارماشىلىق ورتالىعىنا باردى، وندا 18 جاسقا دەيىنگى بالالار مەن جاسوسپىرىمدەر قوسىمشا ءبىلىم الا الادى.
مۇنداعى ۇيىرمەلەردە بالالار عىلىم مەن تەحنيكا، مۋزىكا، شىعارماشىلىق، ءتىل جانە سپورت سياقتى باعىتتار بويىنشا ءوزىن- ءوزى دامىتا الادى.
سونىمەن قاتار ورتالىقتا پسيحولوگيالىق- پەداگوگيكالىق تۇزەتۋ كابينەتى جۇمىس ىستەيتىن بولادى.
ءاليحان سمايىلوۆ قالا اكىمدىگىنە قوسىمشا ءبىلىم سالاسىنداعى كوشباسشىلىقتى ودان ءارى نىعايتۋ ءۇشىن ءتيىستى ورتالىقتار جەلىسىن ارتتىرۋ، وقۋشىلاردى تەگىن ۇيىرمەلەرمەن، سپورت سەكتسيالارىمەن جانە اۋلا كلۋبتارىمەن قامتۋدى كەڭەيتۋ قاجەت ەكەنىن اتاپ ءوتتى.
ودان كەيىن پرەمەر- مينيستر قايىرىمدىلىق باستاماسى اياسىندا سالىنعان «CHAMPION» جاڭا سپورت كەشەنىنە باردى.
وندا باسسەين، ويىن جانە سپورت زالدارى، بەس فيتنەس ايماق، كافە جانە ت. ب. بار. سپورت كەشەنى كۇنىنە 700 ادامعا دەيىن قىزمەت كورسەتە الادى.
جوبا ءارتۇرلى فورماتتاعى جاتتىعۋلار مەن جارىستاردى وتكىزۋ، سونداي- اق نيەت بىلدىرۋشىلەردىڭ بارلىعىنا، اسىرەسە الەۋمەتتىك وسال توپتاعى بالالارعا سپورتپەن شۇعىلدانۋعا مۇمكىندىك بەرۋ ءۇشىن ىسكە اسىرىلدى.
ءاليحان سمايىلوۆ مۇنداي الەۋمەتتىك جوبالارعا جەكە ينۆەستيتسيالاردى تارتۋ اسا ماڭىزدى ەكەنىن اتاپ ءوتتى، ويتكەنى بۇل الماتىنى سالاۋاتتى ءومىر سالتىن ۇستاناتىن قالا رەتىندە نىعايتۋعا ۇلەس قوسادى.
«الماتىلىقتار سپورتپەن شۇعىلدانۋدى جاقسى كورەدى. جىلدان جىلعا جالپى دەنە شىنىقتىرۋمەن اينالىساتىن ادامدار سانى ارتىپ كەلەدى. بۇل ءۇردىستى قولداۋ كەرەك. اكىمدىك ەرەسەكتەر مەن ەرەكشە قاجەتتىلىكتەرى بار بالالارعا دا نازار اۋدارۋى كەرەك. ولار ءۇشىن سالىنىپ جاتقان دەنە شىنىقتىرۋ- ساۋىقتىرۋ كەشەندەرىندە سپورتپەن شۇعىلدانۋ جانە وڭالتۋ ءۇشىن بارلىق قاجەتتى جاعداي كوزدەلۋگە ءتيىس»، — دەدى پرەمەر- مينيستر.