اقتاۋدا ناۋقاس اۋرۋحانانىڭ ەكىنشى قاباتىنان قۇلاپ كەتتى

اقتاۋ. قازاقپارات - اقتاۋدا اۋرۋحانانىڭ ەكىنشى قاباتىنان 54 جاستاعى پاتسيەنت قۇلاپ كەتتى، دەپ حابارلايدى قازاقپارات ءتىلشىسى.

وبلىستىق كوپبەيىندى اۋرۋحانانىڭ 2-قاباتىنان قۇلاعان 54 جاستاعى بەينەۋلىك 6 -ناۋرىز كۇنى تراۆموتولوگيا بولىمىنە تۇسكەن.

دارىگەرلەر تەكسەرگەن كەزدە سول جاق شىنتاعىنىڭ شىققانىن انىقتاپ، سالىپ بەرەدى.

ال جوسپارلى وتا بۇگىنگە، ياعني 10-ناۋرىزعا قويىلعان. الايدا ناۋقاس تاڭەرتەڭگى 07:15 تە تراۆموتولوگيا ءبولىمىنىڭ تەرەزەسىن سىندىرىپ، 2-قاباتتان قۇلاپ تۇسەدى.

ناۋقاستىڭ وڭ جامباس سۇيەگى سىنىپ، قازىر رەانيماتسيادا جاتىر. جاعدايى - تۇراقتى اۋىر.

ال ەرتەڭ سول شىنتاعى مەن وڭ جامباسىنا وپەراتسيا جاسالادى دەپ جوسپارلانعان.

«ەسىن بىلەدى، سۇراقتارعا جاۋاپ بەرەدى. ءبىراق ناۋقاس قۇلاۋىنىڭ سەبەبىن ايتپايدى. قازىر جالپى جانساقتاۋ بولىمىندە جاتىر. ول 3-4 مەتر بيىكتىكتەن قۇلاعان. كەزەكشى تراۆموتولوگ، رەانيماتولوگ، قوسىمشا دارىگەرلەر دەر كەزىندە كومەك كورسەتكەن»، - دەيدى ماڭعىستاۋ وبلىستىق كوپبەيىندى اۋرۋحاناسىنىڭ تراۆموتولوگيا ءبولىمىنىڭ مەڭگەرۋشىسى ەسەت شاحاتبايەۆ.