ەۋروپالىق كوميسسيانىڭ پرەزيدەنتى قازاقستانعا جۇمىس ساپارىمەن كەلەدى
مۇنى ورتالىق كوممۋنيكاتسيالار قىزمەتىندەگى بريفينگىدە سىرتقى ىستەر ءمينيسترىنىڭ ورىنباسارى رومان ۆاسيلەنكو ايتتى، دەپ حابارلايدى قازاقپارات ءتىلشىسى.
«بىلتىر قاراشادا ەۋروپالىق وداقتىڭ (ە و) باستاماسىمەن پرەمەر- مينيستر ءاليحان سمايىلوۆ پەن ەۋروپالىق كوميسسيانىڭ پرەزيدەنتى ۋرسۋلا فون دەر لەيەن شيكىزات ماتەريالدارىن جەتكىزۋدى ءارتاراپتاندىرۋ بويىنشا مەموراندۋمعا قول قويدى. بۇل قارجىلىق جانە تەحنولوگيالىق سالادا ە و- نىڭ ونەركاسىپتىك اليانسىمەن ىنتىماقتاستىق ورناتۋعا ىقپال ەتەدى»، - دەدى رومان ۆاسيلەنكو.
مۇنىمەن قوسا سپيكەر بيىل ەلىمىزگە ەۋروپالىق كوميسسيانىڭ پرەزيدەنتى ۋرسۋلا فون دەر ليايەن كەلەتىنىن ءمالىم ەتتى.
«بيىل ءبىز ەۋروپالىق كوميسسيانىڭ پرەزيدەنتى ۋرسۋلا فون دەر ليايەن قازاقستانعا جۇمىس ساپارىمەن كەلەدى دەپ جوسپارلاپ وتىرمىز. بۇل ساپاردىڭ قازاقستان مەن ە و اراسىنداعى قارىم- قاتىناسقا 30 جىل تولۋىنا تۇسپا- تۇس كەلۋىنىڭ سيمۆولدىق ءمانى بار»، - دەدى سىرتقى ىستەر ءمينيسترىنىڭ ورىنباسارى.