تاۋار باعاسى مەن چەكتەگى باعا سايكەس كەلمەسە نە ىستەۋ كەرەك؟

استانا. قازاقپارات – كەيدە قازاقستاندىقتار دۇكەندەگى كاسسادا تۇرىپ، تاۋاردىڭ باعاسى مەن چەكتەگى باعا سايكەس كەلمەيتىن جاعدايعا تاپ بولادى.

مۇنداي جاعدايدا ساتىپ الۋشى تاۋاردىڭ باعا بەلگىسىندە كورسەتىلگەن قۇنى بويىنشا ساتىلۋىن تالاپ ەتۋگە قۇقىلى.

بۇل تۋرالى زاڭگەر نادەجدا گەلدت «پراۆو زنات» Telegram-ارناسىندا ءبولىستى، - دەپ حابارلايدى Tengri Life.

«تۇتىنۋشىلاردىڭ قۇقىقتارىن قورعاۋ تۋرالى» زاڭنىڭ 24-بابىنا سايكەس، ساتۋشى تاۋاردى ساتۋعا مىندەتتى، ال تۇتىنۋشى تاۋاردى باعا بەلگىسىندە كورسەتىلگەن قۇنى بويىنشا ساتىپ الۋعا قۇقىلى»، - دەيدى ول.

تاۋاردىڭ سورەدە كورسەتىلگەن قۇنى كاسساداعى باعادان تومەن بولسا دا، بۇل جاعدايدا ساتىپ الۋشىنىڭ تاۋاردى باعا بەلگىسىندە كورسەتىلگەن قۇنى بويىنشا ساتىپ الۋعا تولىق قۇقىعى بار.

«ەگەر ساتۋشى تاۋاردى سورەدەگى باعا بويىنشا ساتۋدان باس تارتسا، ياعني زاڭدى بۇزسا، ول اكىمشىلىك جاۋاپكەرشىلىككە تارتىلۋى كەرەك (اكىمشىلىك قۇقىقبۇزۋشىلىق تۋرالى كودەكستىڭ 190-بابى)»، - دەدى ساراپشى.

ونىڭ ۇستىنە، مۇنداي جاعدايلاردا تۇتىنۋشى eotinish.kz سەرۆيسى ارقىلى ساتۋشىنىڭ ۇستىنەن شاعىم تۇسىرە الادى.